ഇന്ത്യയിലെ കോർപ്പറേറ്റ് മേഖലയിലെ വേതന അസമത്വത്തെക്കുറിച്ച് ഗുരുതരമായ ആശങ്കകൾ ഉന്നയിച്ച് ആരിൻ ക്യാപിറ്റൽ ചെയർമാനും ഇൻഫോസിസിൻ്റെ മുൻ സിഎഫ്ഒയുമായ മോഹൻദാസ് പൈ.

ഇൻഫോസിസിലെ തൻ്റെ കാലം അനുസ്മരിച്ചുകൊണ്ട്, 2011-ൽ ഫ്രഷർമാർ പ്രതിവർഷം 3,25,000 രൂപ സമ്പാദിച്ചതായി പൈ അഭിപ്രായപ്പെട്ടു. പതിമൂന്ന് വർഷത്തിന് ശേഷം, അവരുടെ ശമ്പളം 3,50,000 മുതൽ 3,75,000 രൂപ വരെയായി, അതായത് 15% മാത്രം വർദ്ധനവ്.  “അത് എങ്ങനെ ന്യായീകരിക്കപ്പെടുന്നു?”  പൈ ചോദിച്ചു.  2011-ൽ സിഇഒയ്ക്ക് എന്ത് ശമ്പളമാണ് ലഭിച്ചത്?  സിഇഒയ്ക്ക് ഇപ്പോൾ എന്ത് ശമ്പളമാണ് നൽകുന്നത്?  അത് ന്യായമായിരിക്കണം. ” പൈ പറഞ്ഞു

കമ്പനികളുടെ  ലാഭം 15 വർഷത്തെ ഏറ്റവും ഉയർന്ന നിരക്കിലെത്തിയെങ്കിലും ജീവനക്കാരുടെ വേതനത്തിൽ അത് ഉണ്ടായിട്ടില്ലെന്ന് ഈയിടെ മുഖ്യ സാമ്പത്തിക ഉപദേഷ്ടാവ് വി. അനന്ത നാഗേശ്വരൻ ഉദ്ധരിച്ച പഠനവുമായി പൈയുടെ നിരീക്ഷണങ്ങൾ യോജിക്കുന്നു.

“ഓട്ടോമേഷൻ കാരണം വേതനത്തിൻ്റെ ശതമാനം കുറഞ്ഞു, അവർ കൂടുതൽ പണം നൽകുന്നില്ല,” ഒരു മാധ്യമത്തിനു നൽകിയ അഭിമുഖത്തിൽ പൈ പറഞ്ഞു.

എന്നാൽ ഉയർന്ന തലങ്ങളിലെ ശമ്പള വളർച്ചയിലെ നേർവിപരീതത്തെ പൈ എടുത്തുകാട്ടി.  “ഒരു ഐടി സിഇഒയുടെ ശമ്പളം നോക്കൂ,” അദ്ദേഹം പറഞ്ഞു, എക്സിക്യൂട്ടീവ് ശമ്പളം കുത്തനെ വർദ്ധിച്ചു.

ക്വസ്റ്റ് നടത്തിയ പഠനമനുസരിച്ച്, കഴിഞ്ഞ അഞ്ച് വർഷത്തിനിടയിൽ വേതനം 1-2% മാത്രം വർധിച്ച കരാർ ജീവനക്കാരുടെ സ്ഥിതി ഇതിലും മോശമാണ്.  ഈ തൊഴിലാളികൾ, പലപ്പോഴും സെക്യൂരിറ്റി, ഷോപ്പ് അസിസ്റ്റൻ്റുമാർ, ഇലക്ട്രീഷ്യൻമാർ എന്നിവരുടെ തസ്തികകളിൽ ജോലി ചെയ്യുന്നവരാണ്.  “താഴെയുള്ള 50% ആളുകൾ ചൂഷണം ചെയ്യപ്പെടുന്നുണ്ട് ഇവർക്ക് മികച്ച ശമ്പളം ലഭിക്കണം” പൈ  പറഞ്ഞു.

വ്യവസ്ഥാപരമായ അസമത്വത്തെ വിമർശിക്കുന്നതിൽ പൈ അമാന്തിച്ചില്ല.  “സിഇഒമാരുടെ ശമ്പളം ഒന്നിലധികം മടങ്ങ് വർദ്ധിച്ചു,” അദ്ദേഹം പറഞ്ഞു, കൂടാതെ ഉയർന്ന എക്സിക്യൂട്ടീവുകളുടെ ശമ്പളം പെർഫോർമൻസുമായി ബന്ധിപ്പിക്കണമെന്ന്  അഭ്യർത്ഥിച്ചു.  സേവന മേഖലയിലുടനീളം മിനിമം വേതനം ഉയർത്തണമെന്നും അദ്ദേഹം വാദിച്ചു, വർദ്ധിച്ചുവരുന്ന ചെലവ് തൊഴിലാളികളെ ബുദ്ധിമുട്ടിലാക്കിയെന്ന് അഭിപ്രായപ്പെട്ടു.

ഉൽപ്പാദനത്തിൽ ഓട്ടോമേഷൻ ഉൽപ്പാദനക്ഷമത വർധിപ്പിച്ചിട്ടുണ്ടെങ്കിലും, ചില മേഖലകളിൽ ഇത് തൊഴിലാളികളുടെ ആവശ്യകത കുറയ്ക്കുകയും ചെയ്തു. ലാഭം ഉയർന്ന നിലയിൽ തുടരുന്ന സേവന, വിതരണ മേഖലകളിൽ നീതിയുടെ പ്രാധാന്യം പൈ ഊന്നിപ്പറഞ്ഞു.  “തൊഴിലുടമകൾ ലാഭം കൊയ്യുന്നു.  അവർ ജനങ്ങളോട് നീതി പുലർത്തുന്നില്ല,” പൈ പറഞ്ഞു, വേതന അന്തരം പരിഹരിക്കുന്നതിന് ഉടനടി പരിഷ്‌കാരങ്ങൾ വേണമെന്ന് ആവശ്യപ്പെട്ടു.