ഇന്റർ മിയാമി സഹ ഉടമ ഡേവിഡ് ബെക്ക്ഹാം ക്രൊയേഷ്യൻ താരം ലൂക്കാ മോഡ്രിച്ചിനെ ഇൻറർമിയാമിയിലേക്ക് കൊണ്ടുവരാൻ ശ്രമം നടത്തുന്നതായി റിപ്പോർട്ട്. ജനുവരിയിലോ നിലവിലെ സീസണിന്റെ അവസാനത്തോടെയോ മോഡ്രിച്ചിനെ ടീമിലെത്തിക്കാനാണ് ബെക്ക്ഹാമിൻ്റെ ശ്രമം.

റയൽ മാഡ്രിഡിൽ അടുത്തിടെയായി കളിക്കാൻ അവസരം ലഭിക്കാത്തതിൽ അസ്വസ്ഥനാണ് മോഡ്രിച്ച്. ഇതാണ് ബെക്കാമിന് പ്രതീക്ഷ നൽകുന്നത്. ക്രൊയേഷ്യയിൽ വെച്ച് മോഡ്രിച്ച് ബെക്കാമുമായി കൂടിക്കാഴ്ച നടത്തിയതായി കരുതപ്പെടുന്നു.

മോഡ്രിച്ച് മിയാമിയിലെത്തിയാൽ ഇന്റർ മിയാമിക്ക് കരുത്താകും. 37 വയസുള്ള മോഡ്രിച്ച് ഇപ്പോഴും ലോകത്തിലെ മികച്ച മധ്യനിര താരങ്ങളിൽ ഒരാളാണ്. അദ്ദേഹത്തിന്റെ വരവ് ഇന്റർ മിയാമിയെ പ്ലേഓഫിൽ എത്തിക്കാനും കിരീടത്തിനായി പോരാടാനും സഹായിക്കും.

 മോഡ്രിച്ചിന് സൗദി അറേബ്യയിൽ നിന്ന് ഒന്നിലധികം ഓഫറുകൾ ലഭിച്ചിരുന്നു, എന്നാൽ എംഎൽഎസ്സി -ലേക്കുള്ള ഒരു നീക്കം യാഥാർത്ഥ്യമായാൽ ലയണൽ മെസ്സിക്കൊപ്പം അദ്ദേഹം അണിനിരക്കുന്നത് കാണാൻ കഴിയും 

 ക്രൊയേഷ്യക്കാരനുമായി അടുത്ത ബന്ധമുള്ള മുൻ താരം പ്രെഡ്രാഗ് മിജാറ്റോവിച്ചിന്റെ അഭിപ്രായത്തിൽ, മോഡ്രിച്ചിന് അമേരിക്കയിൽ നിന്ന് ഒന്നിലധികം ഓഫറുകൾ ലഭിച്ചിരുന്നു, എന്നാൽ മെസ്സി തന്നെ വ്യക്തിപരമായി മോഡ്രിച്ചിനെ ഇൻറർമിയാമിയിൽ കൊണ്ടു  താൽപ്പര്യം പ്രകടിപ്പിച്ചതായി അറിയുന്നു