ശബരിമല തീർത്ഥാടകരുടെ ഗതാഗതത്തിനായി പ്രവർത്തിച്ചിരുന്ന കെ.എസ്.ആർ.ടി.സി ബസിന് അട്ടത്തോടിന് സമീപം തിങ്കളാഴ്ച രാത്രി പത്തരയോടെ തീപിടിച്ചു. നിലയ്ക്കല്–പമ്പ റോഡിലൂടെയായിരുന്നു ബസ് ട്രിപ്പ് നടത്തിയിരുന്നത്.
സംഭവസമയത്ത് ബസിൽ ഉണ്ടായിരുന്ന യാത്രക്കാരെ ഡ്രൈവറും കണ്ടക്ടറും വേഗത്തിൽ പുറത്തിറക്കിയതിനാൽ വലിയ അപകടം ഒഴിവായി. ആർക്കും പരിക്കേറ്റിട്ടില്ലെന്ന് അധികൃതർ അറിയിച്ചു.
ഫയർഫോഴ്സ് സമയോചിതമായി എത്തി തീ അണച്ചു. എങ്കിലും ബസിന്റെ പിൻഭാഗം ഭാഗികമായി കത്തിനശിച്ചു. തീപിടിത്തത്തിന് ഷോർട്ട് സർക്യൂട്ടാണ് കാരണമെന്ന് പ്രാഥമിക വിലയിരുത്തൽ.
