പത്തനംതിട്ട: സംസ്ഥാനത്തിലെ ഏറ്റവും പ്രായം കുറഞ്ഞ അവയവദാതാവായ 10 മാസം പ്രായമുള്ള ആലിന്‍ ഷെറിന്റെ സംസ്‌കാരം ഔദ്യോഗിക ബഹുമതികളോടെ നടത്തുമെന്ന് മുഖ്യമന്ത്രി പിണറായി വിജയൻ അറിയിച്ചു. ഞായറാഴ്ച വൈകീട്ട് 3.30ന് നെടുങ്ങാടപ്പള്ളി സെന്റ് തോമസ് പള്ളിയില്‍ സംസ്‌കാരം നിശ്ചയിച്ചിരിക്കുകയാണ്.

പത്തനംതിട്ട മല്ലപ്പള്ളി സ്വദേശികളായ കുടുംബത്തിന്റെ മകളായ ആലിന്‍ ഷെറിന് ഫെബ്രുവരി 5ന് ഉച്ചയ്ക്ക് 2.30ഓടെ ഉണ്ടായ വാഹനാപകടത്തെ തുടര്‍ന്ന് ഗുരുതരമായി പരിക്കേറ്റിരുന്നു. കോട്ടയത്തില്‍നിന്ന് തിരുവല്ലയിലേക്ക് എം.സി. റോഡ് വഴി കാറില്‍ യാത്ര ചെയ്യുന്നതിനിടെ പള്ളം ബോര്‍മ കവല ജംഗ്ഷന് സമീപം എതിര്‍ദിശയില്‍നിന്നെത്തിയ കാര്‍ ഇടിച്ചുകയറുകയായിരുന്നു. അപകടത്തില്‍ കുട്ടിയ്ക്ക് ഗുരുതരമായി പരിക്കേല്‍ക്കുകയും കൂടെയുണ്ടായിരുന്ന അമ്മയ്ക്കും മാതാവിന്റെ മാതാപിതാക്കള്‍ക്കും സാരമായ പരിക്കുകള്‍ സംഭവിക്കുകയും ചെയ്തു.

അപകടത്തിന് പിന്നാലെ കുട്ടിയെ ആദ്യം ചങ്ങനാശ്ശേരിയിലെയും തിരുവല്ലയിലെയും ആശുപത്രികളിലും തുടര്‍ന്ന് ഫെബ്രുവരി 7ന് കൊച്ചിയിലെ അമൃത ആശുപത്രിയില്‍ പ്രവേശിപ്പിച്ചിരുന്നു. ചികിത്സയില്‍ കഴിയുന്നതിനിടെ ഫെബ്രുവരി 13ന് കുട്ടിക്ക് മസ്തിഷ്‌ക മരണം സംഭവിച്ചു.

തുടര്‍ന്ന് കുടുംബാംഗങ്ങള്‍ അവയവദാനത്തിന് സമ്മതം നല്‍കുകയും ആലിനില്‍നിന്ന് സ്വീകരിച്ച അവയവങ്ങള്‍ നിലവില്‍ രണ്ട് കുഞ്ഞുങ്ങള്‍ക്ക് നല്‍കാന്‍ സാധിക്കുകയും ചെയ്തു. അവര്‍ ആരോഗ്യനില മെച്ചപ്പെട്ടുവരുന്നതായി ആശുപത്രി അധികൃതര്‍ അറിയിച്ചു.
ആലിന്‍ ഷെറിന്റെ അവയവദാനം സംസ്ഥാനത്ത് അവയവദാനത്തിന്റെ പ്രാധാന്യത്തെക്കുറിച്ചുള്ള ബോധവല്‍ക്കരണത്തിന് വലിയ സന്ദേശമായിരിക്കുകയാണ്.