തൃശൂർ: ലുലു ഗ്രൂപ്പ് ചെയർമാൻ എം. എ. യൂസഫലി കേരളത്തിലെ തദ്ദേശ തിരഞ്ഞെടുപ്പിൽ ഇന്ന് വോട്ട് രേഖപ്പെടുത്തി. വോട്ട് ചെയ്യാനായി അദ്ദേഹം ബാങ്കോക്കിൽ നിന്ന് പ്രത്യേക വിമാനത്തിൽ കൊച്ചിയിലേക്കും അവിടെ നിന്ന് ഹെലികോപ്റ്ററിലൂടെയും ജന്മനാടായ നാട്ടികയിലെത്തി.
തൃശൂർ ജില്ലയിലെ നാട്ടികയിൽ താൻ പഠിച്ചിരുന്ന എയ്ഡഡ് മോപ്ല ലോവർ പ്രൈമറി സ്കൂളിലെ പോളിങ് ബൂത്തിലായിരുന്നു യുഎഇ ആസ്ഥാനം ആയ ബിസിനസ് ഗ്രൂപ്പിന്റെ ചെയർമാൻ വോട്ട് ചെയ്തത്. വോട്ടെടുപ്പിനിടെ മാധ്യമങ്ങളോട് സംസാരിച്ച അദ്ദേഹം, വോട്ട് ചെയ്യുക നമ്മുടെ ഭരണഘടനയോടുള്ള കടമയും ബാധ്യതയുമാണെന്ന് അദ്ദേഹം പറഞ്ഞു.
ലോകത്തിലെ ഏറ്റവും വലിയ ജനാധിപത്യ പ്രക്രിയയുടെ ഭാഗമാകുന്നതിൽ തനിക്ക് അതീവ സന്തോഷമുണ്ടെന്നും അദ്ദേഹം കൂട്ടിച്ചേർത്തു.
