കൊച്ചി: എടയാർ വ്യവസായ മേഖലയിൽ പ്രവർത്തിക്കുന്ന ഓയിൽ കമ്പനിയിൽ ഇന്ന് രാവിലെ ഉണ്ടായ വൻ തീപിടിത്തവും പൊട്ടിത്തെറിയും ആശങ്ക പരത്തുന്നു. സംഭവത്തിൽ ഒരാൾ മരിച്ചതായി റിപ്പോർട്ട് ചെയ്യുന്നു. മരിച്ച വ്യക്തി അതിഥി തൊഴിലാളിയാണെന്ന് പ്രാഥമിക വിവരം.

എടയാറിലെ സിജി ലൂബ്രിക്കന്റ്സ് എന്ന കമ്പനിയിൽ ഇന്ന് (26-03-2026) രാവിലെയാണ് തീപിടിത്തം ഉണ്ടായത്. തീപിടിത്തത്തിന് പിന്നാലെ വലിയ പൊട്ടിത്തെറിയുണ്ടായതായും പ്രദേശവാസികൾ പറയുന്നു. സംഭവം നടന്നതോടെ പ്രദേശത്ത് ഭീതിയുണ്ടായി.

അറിയിപ്പ് ലഭിച്ചതിനെ തുടർന്ന് നിരവധി ഫയർഫോഴ്‌സ് യൂണിറ്റുകൾ സ്ഥലത്തെത്തി തീ അണയ്ക്കാനുള്ള ശ്രമങ്ങൾ തുടരുകയാണ്. തീ നിയന്ത്രണവിധേയമാക്കാൻ ശക്തമായ പരിശ്രമങ്ങളാണ് നടക്കുന്നത്.

സുരക്ഷാ മുൻകരുതലിന്റെ ഭാഗമായി സമീപ പ്രദേശങ്ങളിലെ ആളുകളെ ഒഴിപ്പിച്ചു. അപകടത്തിന്റെ കാരണം വ്യക്തമല്ല. കൂടുതൽ വിവരങ്ങൾ ലഭ്യമാകാനിരിക്കുകയാണ്.