ശബരിമലയിൽ നിറപുത്തിരി പൂജകൾക്കായി നട ഇന്ന് വൈകിട്ട് അഞ്ചുമണിക്കു തുറന്നു. തന്ത്രികണ്ഠരര് ബ്രഹ്മദത്തന്റെ സാന്നിധ്യത്തിൽ മേൽശാന്തി അരുൺകുമാർ നമ്പൂതിരിയാണ് നട തുറന്ന് ദീപം തെളിക്കുകയായിരുന്നു.

ചടങ്ങിന്റെ ഭാഗമായി, അച്ചൻകോവിൽ ശ്രീധർമ്മശാസ്താ ക്ഷേത്രത്തിൽ നിന്ന് രാവിലെ 4.30ന്  നെൽക്കതിരുകൾ തിരുവിതാംകൂർ ദേവസ്വം ബോർഡ് പ്രസിഡൻ്റ് അഡ്വ. പി എസ് പ്രശാന്ത്, അംഗം അഡ്വ. എ. അജി കുമാർ എന്നിവർ ചേർന്ന് ഏറ്റുവാങ്ങി. നെൽകതിരുകളുമായുള്ള ഘോഷയാത്ര വൈകിട്ട് 8ന് സന്നിധാനത്തെത്തും. 

 പുതുവർഷത്തിൽ ആദ്യം കൊയ്യുന്ന നെൽക്കതിരികളെ ഭഗവാനായി സമർപ്പിക്കുന്നതാണ് പൂജയുടെ മുഖ്യ കർമ്മം. കാർഷിക സമൃദ്ധിക്കും ഐശ്വര്യത്തിനും വേണ്ടി ഭക്തർ പ്രാർത്ഥിക്കുന്നു. പൂജകൾ നാളെ പുലർച്ചെ 5.30നും 6.30നും ഇടയിലുള്ള മുഹൂർത്തത്തിലാണ് നടക്കുക. പൂജകൾ പൂർത്തിയാക്കിയ ശേഷമുള്ള രാത്രി 10 മണിയ്ക്ക് ശബരിമല നട അടക്കും.

നിറപുത്തരി ചടങ്ങ് സമൃദ്ധിക്കും പുത്തൻ വിളവിനും വേണ്ടിയുള്ള  മഹത്വപരമായ ആചാരമായാണ് മലയാളികൾക്ക് കാണുന്നത്