കരുനാഗപ്പള്ളി, ഹരിപ്പാട്, പുന്നപ്ര റെയിൽവേ സ്റ്റേഷനുകളുടെ വികസനത്തിന് 8.16 കോടി രൂപയുടെ ടെൻഡർ റെയിൽവേ പുറപ്പെടുവിച്ചു.പുതിയ ടെൻഡറിന്റെ അടിസ്ഥാനത്തിൽ വിവിധ നിർമാണ-നവീകരണ പ്രവർത്തനങ്ങൾ സ്റ്റേഷനുകളിൽ നടപ്പാക്കാനാണ് പദ്ധതിയിടുന്നത്. പ്ലാറ്റ്ഫോമുകളുടെ ഉയരം കൂട്ടി കോൺക്രീറ്റ് ചെയ്ത് ടൈൽ പാകുന്നത്, പ്ലാറ്റ്ഫോം ഷെൽട്ടറുകളുടെ നീളം വർധിപ്പിക്കുന്നത്, അംഗപരിമിതർക്കായുള്ള സൗകര്യങ്ങൾ മെച്ചപ്പെടുത്തുന്നത്, കൂടാതെ ശൗചാലയങ്ങൾ, കാത്തിരിപ്പ് മുറികൾ, കുടിവെള്ള സൗകര്യം തുടങ്ങിയ യാത്രക്കാരുടെ അടിസ്ഥാന സൗകര്യങ്ങളുടെ വികസനം എന്നിവ പ്രധാന ഘടകങ്ങളായി ഉൾപ്പെടുന്നു. സ്റ്റേഷൻ കെട്ടിടങ്ങളുടെ നവീകരണവും ഇതിൽ ഒരു പ്രധാന ഭാഗമാണ്.
യാത്രക്കാരുടെ അനുഭവം കൂടുതൽ മെച്ചപ്പെടുത്തുന്നതിനായി സ്റ്റേഷനുകളുടെ പുറംപ്രദേശങ്ങളിലും വികസനപ്രവർത്തനങ്ങൾ നടപ്പാകുമെന്ന് അധികൃതർ അറിയിച്ചു.

ഇരിപ്പിടങ്ങളുടെ എണ്ണം കൂട്ടൽ, സർകുലേറ്റിങ് ഏരിയയുടെ വിസ്തൃതി വർധിപ്പിക്കൽ, പാർക്കിംഗ് ഏരിയയും അപ്രോച്ച് റോഡുകളും നിർമിച്ചുതീർക്കൽ, ലൈറ്റിംഗ് സൗകര്യങ്ങൾ വർധിപ്പിക്കുന്ന ഇലക്ട്രിഫിക്കേഷൻ പ്രവർത്തനങ്ങൾ എന്നിവയും പദ്ധതിയിൽ ഉൾപ്പെടുത്തിയിട്ടുണ്ട്.