ജനപ്രിയ റാപ്പറായ വേടൻയും എഴുത്തുകാരി നവമി ലതയും വിവാഹിതരായി. മുളങ്കുന്നത്തത്തുകാവിലെ വേടന്റെ വീട്ടിൽ വെച്ചാണ് ലളിതമായ ചടങ്ങുകളോടെ വിവാഹം നടന്നത്. വിവാഹ രജിസ്ട്രേഷനായി സബ് രജിസ്ട്രാർ വേടന്റെ വീട്ടിലെത്തിയാണ് നടപടികൾ പൂർത്തിയാക്കിയത്.
ഭരണഘടനയെ സാക്ഷിയാക്കി ഏറ്റവും ലളിതമായ രീതിയിൽ വിവാഹം നടത്തണമെന്ന ആഗ്രഹം നേരത്തെ തന്നെ ഇരുവരും വ്യക്തമാക്കിയിരുന്നു. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹച്ചടങ്ങിൽ പങ്കെടുത്തത്.
തന്റെ വളർച്ചയിൽ എന്നും ഒപ്പമുണ്ടായിരുന്ന ശ്രോതാക്കൾക്ക് നന്ദി അറിയിച്ചുകൊണ്ട് നവമിക്കൊപ്പം കഴിഞ്ഞ ദിവസം വേടൻ പങ്കുവെച്ച വീഡിയോയും സാമൂഹ്യമാധ്യമങ്ങളിൽ ശ്രദ്ധ നേടിയിരുന്നു. ഏറെ നാളത്തെ പ്രണയത്തിനൊടുവിലാണ് വിവാഹം എന്ന തീരുമാനത്തിലേക്ക് എത്തിയതെന്നും ഇരുവരും വീഡിയോയിൽ വ്യക്തമാക്കിയിരുന്നു.
