ചെന്നൈ: വരാനിരിക്കുന്ന ഉത്സവ സീസണിൽ ശബരിമല തീർത്ഥാടകരുടെ സൗകര്യാർത്ഥം ദക്ഷിണ റെയിൽവേ മച്ചിലിപട്ടണത്തിനും കൊല്ലത്തിനുമിടയിൽ പ്രത്യേക ട്രെയിൻ സർവീസുകൾ പ്രഖ്യാപിച്ചു.

റെയിൽവേയുടെ അറിയിപ്പ് പ്രകാരം ട്രെയിൻ നമ്പർ 07101 മച്ചിലിപട്ടണം–കൊല്ലം സ്പെഷ്യൽ നവംബർ 14, 21, 28, ഡിസംബർ 26, 2025, ജനുവരി 2, 2026 (വെള്ളിയാഴ്ചകൾ) തീയതികളിൽ വൈകുന്നേരം 4.30ന് മച്ചിലിപട്ടണത്തിൽ നിന്ന് പുറപ്പെട്ടു അടുത്ത ദിവസം രാത്രി 10.00ന് കൊല്ലത്ത് എത്തും. ട്രെയിൻ കട്പാടി, ജോളാർപെട്ടൈ വഴിയാകും സർവീസ് നടത്തുക. മൊത്തം അഞ്ച് സർവീസുകളാണ് ഈ റൂട്ടിൽ നടത്തുന്നത്.

മടക്ക സർവീസായ ട്രെയിൻ നമ്പർ 07102 കൊല്ലം–മച്ചിലിപട്ടണം സ്പെഷ്യൽ നവംബർ 16, 23, 30, ഡിസംബർ 28, ജനുവരി 4, 2026 (ഞായറാഴ്ചകൾ) പുലർച്ചെ 2.30ന് കൊല്ലത്ത് നിന്ന് പുറപ്പെട്ടു, അടുത്ത ദിവസം രാവിലെ 8.00ന് മച്ചിലിപട്ടണത്ത് എത്തും. ഈ ട്രെയിനും ജോളാർപെട്ടൈയും കട്പാടി വഴിയാണ് പോകുന്നത്

ട്രെയിൻ നമ്പർ 07103 മച്ചിലിപട്ടണം-കൊല്ലം വീക്ക്‌ലി എക്‌സ്പ്രസ് സ്‌പെഷ്യൽ  ഡിസംബർ 5, 12,19, 2026 ജനുവരി 9, 16 (വെള്ളിയാഴ്ചകൾ) രാവിലെ 11:00 മണിക്ക് മച്ചിലിപട്ടണത്ത് നിന്ന് പുറപ്പെട്ട് കാട്പാടി, ജോലാർപേട്ട വഴി പിറ്റേന്ന് രാത്രി 10:00 മണിക്ക് കൊല്ലത്ത് എത്തിച്ചേരും. ഈ റൂട്ടിൽ ആകെ അഞ്ച് സർവീസുകൾ ഉണ്ടാകും.

മടക്കയാത്രയിൽ, ട്രെയിൻ നമ്പർ 07104 കൊല്ലം – മച്ചിലിപട്ടണം സ്പെഷ്യൽ  ഡിസംബർ 7, 14, 21, 2026 ജനുവരി 11, 18 (ഞായർ) ദിവസങ്ങളിൽ പുലർച്ചെ 2:30 ന് കൊല്ലത്ത് നിന്ന് പുറപ്പെട്ട് അതേ റൂട്ട് വഴി അടുത്ത ദിവസം ഉച്ചയ്ക്ക് 12:30 ന് മച്ചിലിപട്ടണത്ത് എത്തിച്ചേരും.