തൃശൂർ ∙ പുത്തൂർ സുവോളജിക്കൽ പാർക്കിൽ നടന്ന തെരുവുനായകളുടെ ആക്രമണത്തിൽ പത്ത് മാനുകൾ ചത്തു. മൃഗശാലയ്ക്കുള്ളിലെ മാൻകൂട്ടിലേക്കാണ് തെരുവുനായകൾ അതിക്രമിച്ചു കയറി ആക്രമണം നടത്തിയത്.
മൃഗശാലയുടെ സുരക്ഷാ ചുമതലയുള്ള സ്ഥലത്താണ് സംഭവം നടന്നത് എന്നത് വലിയ സുരക്ഷാ വീഴ്ചയായി കണക്കാക്കപ്പെടുന്നു.
സംഭവത്തിൽ വനം മന്ത്രി എ.കെ. ശശീന്ദ്രൻ അന്വേഷണം ഉത്തരവിട്ടിട്ടുണ്ട്. ഡോ. അരുൺ സക്കറിയയുടെ നേതൃത്വത്തിലുള്ള സംഘം പുത്തൂർ മൃഗശാലയിലെത്തി സ്ഥലംപരിശോധന നടത്തി.
പുത്തൂർ സുവോളജിക്കൽ പാർക്ക് ഇന്ത്യയിലെ ആദ്യത്തെ ഡിസൈനർ മൃഗശാല എന്ന നിലയിലാണ് ശ്രദ്ധ നേടുന്നത്. എന്നാൽ ഇതുവരെ പൊതുജനങ്ങൾക്കായി തുറന്നിട്ടില്ല. നിലവിൽ സ്കൂൾ, കോളേജ് വിദ്യാർത്ഥികൾക്ക് മാത്രമാണ് പ്രവേശനം അനുവദിച്ചിരിക്കുന്നത്.
