പാലായിൽ കേരള കോൺഗ്രസ് മാണി ഗ്രൂപ്പിന് വോട്ടുകൾ കുറഞ്ഞിട്ടില്ലെന്നും കഴിഞ്ഞ തെരഞ്ഞെടുപ്പിൽ ലഭിച്ച അതേ വോട്ടുകൾ ഇത്തവണയും ലഭിച്ചിട്ടുണ്ടെന്നും ചെയർമാൻ ജോസ് കെ. മാണി പറഞ്ഞു, ഇത് ജനപിന്തുണയുടെ വ്യക്തമായ സൂചനയാണെന്നും അദ്ദേഹം വ്യക്തമാക്കി.

വീമ്പ് പറയുന്ന ജോസഫ് ഗ്രൂപ്പ് 38 വാർഡുകളുള്ള തൊടുപുഴ മുനിസിപ്പാലിറ്റിയിൽ വെറും രണ്ട് വാർഡുകളിൽ മാത്രമാണ് വിജയം നേടിയത് എന്നും ജോസ് കെ. മാണി വിമർശിച്ചു. പാർട്ടിയിൽ ഉണ്ടായേക്കാവുന്ന വീഴ്ചകൾ വിശദമായി പരിശോധിക്കുമെന്നും അദ്ദേഹം അറിയിച്ചു.കേരള കോൺഗ്രസ് (മാണി) എൽഡിഎഫിനോട് ഉറച്ചുനിൽക്കുമെന്നും മുന്നണി ബന്ധത്തിൽ മാറ്റമില്ലെന്നും ജോസ് കെ. മാണി കൂട്ടിച്ചേർത്തു.