അടുത്ത 3 – 4 ദിവസത്തേക്ക് ദക്ഷിണണേന്ത്യയിലും വടക്കുകിഴക്കൻ സംസ്ഥാനങ്ങളിലും മഴ തുടരുമെന്ന് ഇന്ത്യൻ കാലാവസ്ഥാ വകുപ്പ് (IMD) പ്രവചിക്കുന്നു.  അരുണാചൽ പ്രദേശ്, അസം, മേഘാലയ, ഉപ-ഹിമാലയൻ പശ്ചിമ ബംഗാൾ, സിക്കിം എന്നിവിടങ്ങളിൽ അടുത്ത നാല് ദിവസങ്ങളിൽ പ്രത്യേകിച്ച് കനത്ത മഴ ലഭിക്കുമെന്ന് പ്രതീക്ഷിക്കുന്നു, തിങ്കൾ, ചൊവ്വ ദിവസങ്ങളിൽ മണിപ്പൂരിൽ ഒറ്റപ്പെട്ട കനത്ത മഴ പ്രവചിക്കപ്പെടുന്നു.

എന്നാൽ  കൊടുംചൂടിൽ വീർപ്പുമുട്ടുന്നവർക്ക് ഒരു സന്തോഷവാർത്തയുണ്ട്. അടുത്ത രണ്ട് ദിവസത്തിനുള്ളിൽ വടക്കുപടിഞ്ഞാറൻ, കിഴക്കൻ ഇന്ത്യയിലും അടുത്ത അഞ്ച് ദിവസത്തിനുള്ളിൽ മധ്യ ഇന്ത്യയിലും പരമാവധി താപനില 2 മുതൽ 3 ഡിഗ്രി സെൽഷ്യസ് വരെ ക്രമേണ കുറയുമെന്ന് ഐഎംഡി പ്രവചിക്കുന്നു.

 എന്നിരുന്നാലും, ഉത്തരാഖണ്ഡിലെയും ജാർഖണ്ഡിലെയും ഒറ്റപ്പെട്ട പ്രദേശങ്ങളിൽ നാളെ വരെ ഉഷ്ണതരംഗ സാഹചര്യങ്ങൾ തുടരാൻ സാധ്യതയുണ്ട്.  കൂടാതെ ഡൽഹി, കിഴക്കൻ മധ്യപ്രദേശ്, ഛത്തീസ്ഗഡ്, ബീഹാർ, ഒഡീഷ എന്നിവിടങ്ങളിൽ ഇന്ന് ഉഷ്ണ തരംഗങ്ങൾ അനുഭവപ്പെടും.  പടിഞ്ഞാറൻ രാജസ്ഥാനിൽ ജൂൺ 4, 5 തിയതികളിൽ ഉഷ്ണ തരംഗത്തിൻ്റെ അവസ്ഥ തിരിച്ചുവരും