ലോർഡ്സിൽ നടന്ന ആദ്യ ടെസ്റ്റിൽ ഇംഗ്ലണ്ട് വെസ്റ്റ് ഇൻഡീസിനെ ഇന്നിംഗ്‌സിനും 114 റൺസിനും തോൽപ്പിച്ചതോടെ ജെയിംസ് ആൻഡേഴ്സൻ്റെ മികച്ച ടെസ്റ്റ് കരിയർ ഉയർന്ന നിലയിൽ അവസാനിച്ചു. കളിയിൽ 41-കാരനായ ആൻഡേഴ്സൻ തൻ്റെ 704-ാം വിക്കറ്റ് സ്വന്തമാക്കി.
വിരമിക്കുന്ന ജെയിംസ് ആൻഡേഴ്സൺ, വെള്ളിയാഴ്ച, ടെസ്റ്റ് ക്രിക്കറ്റിലെ തൻ്റെ അവസാന ദിവസം ലോർഡ്സിൽ ഇറങ്ങിയപ്പോൾ ഇംഗ്ലണ്ട്, വെസ്റ്റ് ഇൻഡീസ് കളിക്കാർ ഗാർഡ് ഓഫ് ഓണർ നൽകി.
മത്സരത്തിൽ തുടക്കം മുതൽ ആധിപത്യം പുലർത്തിയ ഇംഗ്ലണ്ട് അഞ്ച് ബാറ്റ്സ്മാൻമാരുടെ അർദ്ധ സെഞ്ചുറികളോടെ 371 റൺസ് നേടി. വെസ്റ്റ് ഇൻഡീസ് ബാറ്റിംഗ് നിരയെ രണ്ടാം ഇന്നിംഗ്സിൽ 136 റൺസിന് അറ്റ്കിൻസനും ആൻഡേഴ്സണും ചേർന്ന് തകർത്തെറിഞ്ഞു.രണ്ടാം ഇന്നിംഗ്സിൽ മൂന്ന് വിക്കറ്റ് നേടിയ ആൻഡേഴ്സൻ തൻ്റെ കരിയറിൽ 704 വിക്കറ്റ് നേടി .
ഇംഗ്ലണ്ടിനായി ഗസ് അറ്റ്കിൻസൺ രണ്ട് ഇന്നിംഗ്സിലുമായി മൊത്തം 12 വിക്കറ്റുകൾ നേടി മികച്ച പ്രകടനം കാഴ്ചവെച്ചു
ഈ വിജയം ഇംഗ്ലണ്ടിനെ പരമ്പരയിൽ 1-0 ന് മുന്നിലെത്തിക്കുകയും ഇപ്പോൾ നടന്നുകൊണ്ടിരിക്കുന്ന ഐസിസി ലോക ടെസ്റ്റ് ചാമ്പ്യൻഷിപ്പിൽ അവർക്ക് ആവശ്യമായ മേൽക്കോയ്മ നൽകുകയും ചെയ്യുന്നു.
