സംസ്ഥാനത്തെ എല്ലാ ബസുകളിലും ക്യാമറകൾ സ്ഥാപിക്കാനും എല്ലാ ഓട്ടോറിക്ഷകളിലും സ്റ്റിക്കറുകൾ പതിപ്പിക്കാനും സംസ്ഥാന ട്രാന്‍സ്‌പോര്‍ട് അതോറിറ്റി നിർദ്ദേശം നൽകി.

കെഎസ്ആർടിസി, സ്കൂൾ, സ്വകാര്യ ബസുകൾ എന്നിവയിൽ മൂന്നു ക്യാമറകൾ സ്ഥാപിക്കണം: ഒന്ന് ബസിന്റെ മുൻവശം, മറ്റൊന്ന് പിൻവശം, മൂന്നാമത്തെ ക്യാമറ അകത്ത് നിരീക്ഷിക്കാൻ ആയിരിക്കണം. കൂടാതെ, ഡ്രൈവർ ഉറങ്ങുന്നതിനെ കണ്ടെത്തുന്നതിനായി അലാറം ക്യാമറയും സ്ഥാപിക്കേണ്ടതുണ്ടെന്ന് നിർദേശിച്ചിട്ടുണ്ട്.

ഓട്ടോറിക്ഷകളിൽ മീറ്റർ ഉപയോഗിക്കാതെ ഓടിച്ചാൽ യാത്രാക്കൂലി നൽകേണ്ടതില്ലെന്ന് വ്യക്തമാക്കുന്ന സ്റ്റിക്കർ പതിപ്പിക്കണം.
ഈ നിർദേശങ്ങൾ മാർച്ച് 31 ന് മുമ്പായി നടപ്പിലാക്കണം.