കൊച്ചി: ധീരമായ ഒരു രക്ഷാദൗത്യ പ്രവർത്തനത്തിലൂടെ ജൂൺ 9ന് തീപിടുത്തത്തിൽ മുങ്ങിയ കപ്പലായ എംവി വാൻ ഹായ് 503-ലേക്ക് ഇന്ത്യൻ നാവികസേന ഒരു രക്ഷാ സംഘത്തെ വിജയകരമായി ആകാശത്ത് നിന്ന്  ഇറക്കി.

കൊച്ചിയിലെ ഇന്ത്യൻ നേവൽ എയർ സ്റ്റേഷൻ ഐഎൻഎസ് ഗരുഡയിൽ നിന്ന് സീക്കിംഗ് ഹെലികോപ്റ്ററിൽ പുറപ്പെട്ട രക്ഷാ സംഘം
പ്രക്ഷുബ്ധമായ കടൽ, പ്രതികൂല കാലാവസ്ഥ, എന്നിവ നേരിട്ടു കൊണ്ട് വാൻ ഹായ് 503 കപ്പലിൽ ഇറങ്ങി. കപ്പലിൽ ഇറങ്ങിയ ശേഷം, സംഘം കപ്പൽ സാൽവേജ് ടഗ് ഓഫ്‌ഷോർ വാരിയറുമായി കപ്പലിനെ ബന്ധിപ്പിച്ചു, ഇത് ടോവിംഗ് പ്രവർത്തനങ്ങൾ ആരംഭിക്കാൻ സൗകര്യമൊരുക്കി. വിജയകരമായ ടോ ലൈൻ കണക്ഷനെത്തുടർന്ന് രക്ഷാ സംഘത്തെ ഒരു നാവിക ഹെലികോപ്റ്റർ ഉപയോഗിച്ച് ഉടനടി കപ്പലിൽ നിന്ന് പുറത്തുകൊണ്ടുവന്നു.

ഐഎൻഎസ് ഷാർദയും ഓഫ്‌ഷോർ സപ്പോർട്ട് വെസ്സൽ എംവി ട്രൈറ്റൺ ലിബർട്ടിയും ഈ സമുദ്ര മേഖലയിൽ രക്ഷാപ്രവർത്തനങ്ങൾക്ക് പിന്തുണ നൽകാൻ സജീവമായി പ്രവർത്തിക്കുന്നു.ഇന്ത്യൻ നേവി നടത്തിയ സമയോചിതമായ ഈ ഇടപെടൽ  രക്ഷാപ്രവർത്തനങ്ങൾക്ക്  ഗണ്യമായ പുരോഗതി നൽകി.