യൂട്യൂബ് എഐ ഉപയോഗിച്ച് നിർമ്മിക്കുന്ന വീഡിയോകൾക്ക് മോനറ്റൈസേഷൻ സംബന്ധിച്ച പുതിയ മാർഗ്ഗനിർദ്ദേശങ്ങൾ പ്രഖ്യാപിച്ചു. 2025 ജൂലൈ 15 മുതൽ പ്രാബല്യത്തിൽ വരുന്ന ഈ പുതിയ നയങ്ങൾ അനുസരിച്ച്, പൂർണമായും എഐ ഉപയോഗിച്ച് നിർമ്മിച്ച, ആവർത്തനപരവും കുറഞ്ഞ നിലവാരമുള്ളതുമായ വീഡിയോകൾക്ക് ഇനി മുതൽ മോനറ്റൈസേഷൻ അനുവദിക്കില്ല. എന്നാൽ, എഐ ഉപകരണങ്ങൾ ഉപയോഗിച്ച് മനുഷ്യൻറെ സൃഷ്ടിപരമായ ഇടപെടലും, ഓറിജിനാലിറ്റിയും ഉള്ള ഉള്ളടക്കം മോനറ്റൈസ് ചെയ്യാൻ കഴിയുമെന്ന് യൂട്യൂബ് വ്യക്തമാക്കുന്നു.

പുതിയ മാർഗ്ഗനിർദ്ദേശങ്ങൾ പ്രകാരം, എഐ ഉപയോഗിച്ച് നിർമ്മിച്ച മുഴുവൻ വീഡിയോകൾക്ക് മോനറ്റൈസേഷൻ നിരോധിച്ചിട്ടില്ല. മനുഷ്യൻറെ വ്യക്തിഗത സംഭാവനയോ, വ്യത്യസ്തതയോ ഇല്ലാതെ പൂർണമായും എഐ ഉപയോഗിച്ച് നിർമ്മിച്ച, ആവർത്തനപരമായ, ലോ-എഫർട്ട് ഉള്ളടക്കം മാത്രമാണ് മോനറ്റൈസേഷൻ നഷ്ടപ്പെടുക. അതേസമയം, ഓറിജിനൽ ആശയങ്ങൾ, വ്യക്തിഗത അഭിപ്രായങ്ങൾ, വിശദീകരണങ്ങൾ എന്നിവ ചേർത്ത് നിർമ്മിക്കുന്ന എഐ വീഡിയോകൾക്ക് മോനറ്റൈസേഷൻ ലഭിക്കും.

ഈ പുതിയ മാർഗ്ഗനിർദ്ദേശങ്ങൾ ലംഘിക്കുന്ന ചാനലുകൾക്ക് യൂട്യൂബ് പാർട്ണർ പ്രോഗ്രാമിൽ നിന്ന് പുറത്താക്കൽ ഉൾപ്പെടെയുള്ള നടപടികൾ ഉണ്ടാകും. അതിനാൽ, എഐ ഉപയോഗിച്ച് ഉള്ളടക്കം സൃഷ്ടിക്കുന്നവർക്ക്, യൂട്യൂബിന്റെ പുതിയ നയങ്ങൾ അനുസരിച്ച് സൃഷ്ടിപരമായ മൂല്യവും വ്യത്യസ്തതയും ഉറപ്പാക്കണമെന്ന് യൂട്യൂബ് നിർദ്ദേശിക്കുന്നു