നിമിഷ പ്രിയയുടെ മോചനത്തിനായി അവസാന ശ്രമവും നടത്തണമെന്ന് ആവശ്യപ്പെട്ട് എം.എൽ.എ ചാണ്ടി ഉമ്മനും അമ്മ മറിയാമ്മ ഉമ്മനും ഗവർണറെ കണ്ടു . ഉമ്മൻ ചാണ്ടി നിമിഷ പ്രിയയുടെ മോചനം ലക്ഷ്യമാക്കി നിരന്തരം പരിശ്രമിച്ചിരുന്നുവെന്ന് അവർ ഓർമ്മിപ്പിച്ചു. മോചനദ്രവ്യത്തിനുള്ള ധനസമാഹാരത്തിലേക്ക് നേതൃത്വം നൽകുകയും കേന്ദ്ര വിദേശകാര്യ മന്ത്രാലയത്തിലേക്കുള്ള ഇടപെടലുകൾ നടത്തുകയും ചെയ്തതും അദ്ദേഹമാണ്. “അച്ഛന്റെ അവസാന ദിവസങ്ങളിൽ പോലും മനസ്സിനെ അലട്ടിയ വിഷയങ്ങളിൽ ഒന്ന് നിമിഷ പ്രിയയുടെ കാര്യമാണ്,” എന്നും പിതാവിന്റെ ആഗ്രഹമായതുകൊണ്ടാണ് മോചനം സാധ്യമാക്കാൻ അവസാനം വരെ ശ്രമം തുടരാൻ തങ്ങൾ തീരുമാനിച്ചതെന്നും മറിയാമ്മ ഉമ്മൻ വ്യക്തമാക്കി. “നിമിഷപ്രിയയുടെ മോചനത്തിനായി ഇനി ചെയ്യാവുന്നതെല്ലാം ചെയ്യണം” എന്നായിരുന്നു പിതാവിന്റെ നിലപാടെന്ന് ചാണ്ടി ഉമ്മൻ ഗവർണറെ അറിയിച്ചു.
