ഇടുക്കി ഡാമില്‍ ജലനിരപ്പ് ഉയരുന്നതിനാല്‍ ബ്ലൂ അലര്‍ട്ട് പ്രഖ്യാപിച്ചു. കനത്ത മഴയെ തുടര്‍ന്ന് ജലനിരപ്പ് 2372.58 അടി വരെ എത്തിയത് കൊണ്ട് ജാഗ്രതാ മുന്നറിയിപ്പായി ബ്ലൂ അലര്‍ട്ട് പ്രഖ്യാപിച്ചതായി അധികൃതര്‍ അറിയിച്ചു.

ഇപ്പോൾ ജലനിരപ്പ് ഡാമിന്റെ മൊത്തം സംഭരണ ശേഷിയുടെ 66.81 ശതമാനത്തിലും എത്തിയിട്ടുണ്ട്. ജലനിരപ്പ് 2378.58 അടി കവിഞ്ഞാല്‍ ഓറഞ്ച് അലര്‍ട്ട് പ്രഖ്യാപിക്കും. 2379.58 അടി കടന്നാൽ റെഡ് അലര്‍ട്ടും പ്രഖ്യാപിക്കും. ഡാമിന്റെ പരമാവധി സംഭരണ ശേഷി 2403 അടിയാണ്.