പ്രശസ്ത നടനും മലയാള സിനിമയുടെ നിത്യഹരിത നായകൻ പ്രേംനസീറിന്റെ മകനുമായ ഷാനവാസ് (71) അന്തരിച്ചു. തിരുവനന്തപുരത്തെ ഒരു സ്വകാര്യ ആശുപത്രിയിലായിരുന്നു അന്ത്യം.
മലായാളം സിനിമയിൽ 50ലധികം ചിത്രങ്ങളിൽ അഭിനയിച്ച ഷാനവാസ്, സംവിധായകൻ ബാലചന്ദ്രമേനോന്റെ പ്രേമഗീതങ്ങൾ എന്ന ചിത്രത്തിലൂടെയാണ് സിനിമാരംഗത്ത് അരങ്ങേറ്റം കുറിച്ചത്. 2011ൽ പുറത്തിറങ്ങിയ ചൈനാ ടൗൺ എന്ന എന്ന ചിത്രത്തിലൂടെ ഒരു നീണ്ട ഇടവേളയ്ക്ക് ശേഷം അദ്ദേഹം സിനിമയിൽ തിരിച്ചുവരവ് നടത്തി.

ഹബീബ് ബീവിയായിരുന്നു അമ്മ. പ്രാഥമിക വിദ്യാഭ്യാസം ചിറയിൻകീഴ് ഇംഗ്ലീഷ് മീഡിയം സ്‌കൂൾ, മോണ്ട്‌ഫോർട്ട് സ്‌കൂൾ (യേർക്കാട്) എന്നിവിടങ്ങളിലായിരുന്നു. പിന്നീട് ചെന്നൈയിലെ ന്യൂ കോളേജിൽ നിന്ന് ഇംഗ്ലീഷ് സാഹിത്യത്തിൽ മാസ്റ്റേഴ്‌സ് ബിരുദം നേടി.
ഏറെക്കാലമായി ഷാനവാസ് മലേഷ്യയിലായിരുന്നു താമസം. അദ്ദേഹത്തിന്റെ ഭാര്യ ആയിഷ ബീവി,ഷമീർ ഖാൻ, അജിത് ഖാൻ എന്നിവർ മക്കളാണ്.