പ്രായത്തെക്കുറിച്ചുള്ള പരമ്പരാഗത ധാരണകളെ ചോദ്യം ചെയ്യുന്ന തരത്തില്, ലോബ്സ്റ്ററുകള് സാധാരണ ജീവികളുപോലെ പ്രായം ചെന്നു ക്ഷയിക്കുന്നില്ലെന്ന് ശാസ്ത്രജ്ഞര് കണ്ടെത്തിയിട്ടുണ്ട്. മറ്റു മിക്ക ജീവികളില്നിന്ന് വ്യത്യസ്തമായി, ലോബ്സ്റ്ററുകള് ജീവിതകാലമൊട്ടാകെ വളരുകയും, സന്താനോല്പ്പാദന ശേഷി നിലനിര്ത്തുകയും, പ്രായത്തിനനുസരിച്ച് ശക്തിയിലും ആരോഗ്യത്തിലും കുറവൊന്നും കാണിക്കാതിരിക്കുകയും ചെയ്യുന്നു.
സമുദ്രജീവശാസ്ത്രജ്ഞരുടെ അഭിപ്രായത്തില്, രോഗം, ശത്രുക്കള്, അല്ലെങ്കില് മറ്റ് പുറംഘടകങ്ങള് ബാധിക്കാത്ത പക്ഷം ലോബ്സ്റ്ററുകള്ക്ക് അനന്തകാലം ജീവിക്കാനാകും.
ജീവിതകാലം മുഴുവന് സജീവമായ ടെലോമറേസ് (telomerase) പ്രവര്ത്തനവുമായി ബന്ധപ്പെട്ടിരിക്കുന്ന ഈ അപൂര്വ്വ ജീവശാസ്ത്ര സവിശേഷത, ദീര്ഘായുസിനെയും കോശാരോഗ്യത്തെയും കുറിച്ചുള്ള ഗവേഷണങ്ങളില് പുതിയ താല്പര്യം ഉണര്ത്തിയിരിക്കുകയാണ്. മനുഷ്യരുടെ പ്രായാധിക്യവും ജീവിത ദൈര്ഘ്യവും സംബന്ധിച്ച പഠനങ്ങള്ക്ക് ഇതു വഴി നിര്ണായകമായ കണ്ടെത്തലുകള് ലഭിക്കാമെന്നാണു പ്രതീക്ഷ.
