തിരുവനന്തപുരം: ശ്രീ സത്യസായി ബാബയുടെ ശതാബ്ദി ആഘോഷത്തോടനുബന്ധിച്ച് ദക്ഷിണ റെയിൽവേ തിരുവനന്തപുരം നോർത്തിനും സത്യസായി പി നിലയത്തിനും ഇടയിൽ പ്രത്യേക ട്രെയിൻ സർവീസുകൾ പ്രഖ്യാപിച്ചു.  2025 നവംബറിൽ തിരഞ്ഞെടുത്ത തീയതികളിൽ ട്രെയിൻ നമ്പർ 06067, ട്രെയിൻ നമ്പർ 06068 എന്നിങ്ങനെ സർവീസുകൾ പ്രവർത്തിക്കും.

ട്രെയിൻ നമ്പർ 06067 തിരുവനന്തപുരം നോർത്ത്-സത്യസായി പി നിലയം എക്സ്പ്രസ് 2025 നവംബർ 23ന് (ഞായർ) 18:05 മണിക്ക് തിരുവനന്തപുരം നോർത്തിൽ നിന്ന് പുറപ്പെട്ട് അടുത്ത ദിവസം 13:30 മണിക്ക് സത്യസായി പി നിലയത്തിൽ എത്തിച്ചേരും.  വർക്കല ശിവഗിരി, കൊല്ലം, കായംകുളം, ചെങ്ങന്നൂർ, തിരുവല്ല, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട്, കോയമ്പത്തൂർ, തിരുപ്പൂർ, ഈറോഡ്, സേലം, വൈറ്റ്ഫീൽഡ്, യെലഹങ്ക എന്നിവിടങ്ങളിൽ ട്രെയിനിന് സ്റ്റോപ്പ് ഉണ്ടാകും.

മടക്കയാത്രയിൽ, ട്രെയിൻ നമ്പർ 06068 സത്യസായി പി നിലയം – തിരുവനന്തപുരം നോർത്ത് എക്സ്പ്രസ് സ്പെഷ്യൽ 2025 നവംബർ 25 ന് (ചൊവ്വാഴ്ച) രാത്രി 21:00 മണിക്ക് സത്യസായി പി നിലയത്തിൽ നിന്ന് പുറപ്പെട്ട് അടുത്ത ദിവസം വൈകുന്നേരം 6:00 മണിക്ക് തിരുവനന്തപുരം നോർത്തിൽ എത്തിച്ചേരും.

സ്പെഷ്യൽ ട്രെയിനുകൾക്കുള്ള മുൻകൂർ റിസർവേഷൻ 2025 നവംബർ 19 ന് രാവിലെ 8:00 മണിക്ക് ആരംഭിക്കുമെന്ന് ദക്ഷിണ റെയിൽവേ അറിയിച്ചു.

ശതാബ്ദി ആഘോഷങ്ങൾക്കായി പുട്ടപർത്തിയിലേക്ക് പോകുന്ന ആയിരക്കണക്കിന് ഭക്തർക്ക് ഈ സർവീസുകൾ പ്രയോജനപ്പെടുമെന്ന് പ്രതീക്ഷിക്കുന്നു.