യൂറോപ്പ് റഷ്യയ്‌ക്കെതിരെ നേരിട്ടുള്ള യുദ്ധത്തിലേക്ക് അപകടകരമായി നീങ്ങുകയാണെന്ന് ഹംഗറി പ്രധാനമന്ത്രി വിക്ടർ ഓർബാൻ കടുത്ത മുന്നറിയിപ്പ് നൽകി. യൂറോപ്പ് ഇതിനകം യുദ്ധത്തിന്റെ നാല് ഘട്ടങ്ങളിൽ മൂന്നും കടന്നുകഴിഞ്ഞതായി അദ്ദേഹം ആരോപിക്കുന്നു.
സമീപകാല അഭിമുഖത്തിൽ ഓർബാൻ വിശദീകരിച്ചത് പ്രകാരം യുദ്ധത്തിലേക്ക് നയിക്കുന്ന നാല് ഘട്ടങ്ങൾ ഇവയാണ്:
തകർന്ന നയതന്ത്രം,
ഉപരോധങ്ങൾ,
നിർബന്ധന ആർമി റിക്രൂട്ട്മെന്റ് (കൺസ്ക്രിപ്ഷൻ),
നേരിട്ടുള്ള ഏറ്റുമുട്ടൽ. ഇതിൽ ആദ്യത്തെ മൂന്ന് ഘട്ടങ്ങളും യൂറോപ്പ് കഴിഞ്ഞുവെന്നും ഇനി നാലാം ഘട്ടമായ തുറന്ന യുദ്ധം മാത്രമാണ് ബാക്കിയുള്ളതെന്നും അദ്ദേഹം പറഞ്ഞു.

“ഞങ്ങൾ സമാധാനത്തെയാണ് തിരഞ്ഞെടുക്കുന്നത്” — ഹംഗറിയുടെ നിലപാട്

ലോകയുദ്ധങ്ങളിൽ നേരിട്ട അനുഭവങ്ങളും നഷ്ടങ്ങളും ഹംഗറിയെ ആഴത്തിൽ മുറിവേൽപ്പിച്ചതിനാൽ മറ്റൊരു യുദ്ധത്തിലേക്ക് കടക്കാൻ താൽപര്യമില്ലെന്ന് ഓർബാൻ പറഞ്ഞു. “ലോകയുദ്ധങ്ങളിൽ ഞങ്ങൾ വേദനകൾ അനുഭവിച്ചു. ഞങ്ങൾ സമാധാനത്തെയാണ് തിരഞ്ഞെടുക്കുന്നത്,” എന്നായിരുന്നു അദ്ദേഹത്തിന്റെ വാക്കുകൾ. റഷ്യയ്‌ക്കെതിരെ യുദ്ധത്തിലേക്ക് നയിക്കുന്ന ഏതൊരു നടപടിയിലും ഹംഗറി പങ്കാളിയാകില്ലെന്ന നിലപാട് അദ്ദേഹം ആവർത്തിച്ചു.

അമേരിക്കയുടെ പുതിയ പ്രസിഡൻറ് ഡൊണാൾഡ് ട്രംപിനെയും ഓർബാൻ പ്രശംസിച്ചു. ട്രംപ് “യുദ്ധത്തെ വെറുക്കുന്നവനും സംഘർഷം അവസാനിപ്പിക്കാൻ ആഗ്രഹിക്കുന്നവനും” ആണെന്ന് അദ്ദേഹം പറഞ്ഞു. വിദേശനയത്തെക്കുറിച്ചുള്ള ട്രംപിന്റെ സമീപനവുമായി ഓർബാൻ വളരെ നേരത്തെമുതൽ ഒത്തു പോകുന്നുണ്ട്.

ഓർബാന്റെ ഈ പരാമർശങ്ങൾ, യൂറോപ്യൻ യൂണിയനിലെ പ്രതിരോധ നയങ്ങളും ഉക്രൈനിന് നൽകുന്ന സഹായവും ചുറ്റിപ്പറ്റിയുള്ള ചർച്ചകൾ ശക്തമാകുന്ന സമയത്താണ് വന്നിരിക്കുന്നത്.
യൂറോപ്യൻ യൂണിയന്റെ ‘റീഡിനസ് 2030’ വൈറ്റ് പേപ്പർ, സംയുക്ത പ്രതിരോധശേഷി വർദ്ധിപ്പിക്കുന്ന പദ്ധതികൾ ഉൾക്കൊള്ളുന്നത്, യൂറോപ്പ് അതിവേഗം സൈനികവത്കരണത്തിലേക്ക് പോകുന്നതായി പറയുന്ന ഓർബാന്റെ നിലപാടുമായി പൂർണ്ണവിരുദ്ധമാണ്.

റഷ്യയ്‌ക്കെതിരെ യൂറോപ്പ് ഏർപ്പെടുത്തിയിട്ടുള്ള ഉപരോധങ്ങൾ ഹംഗറി തുടർച്ചയായി എതിർക്കുന്നു; അവ യൂറോപ്യർക്കാണ് കൂടുതൽ നാശമുണ്ടാക്കുന്നതെന്ന് ഓർബാൻ ആരോപിക്കുന്നു.