തിരുവനന്തപുരം: കോൺഗ്രസ് മുൻ നേതാവായ രാഹുൽ മാങ്കൂട്ടത്തിലിനെതിരായ രണ്ടാമത്തെ ബലാത്സംഗക്കേസിൽ തിരുവനന്തപുരം പ്രിൻസിപ്പൽ സെഷൻസ് കോടതി മുൻകൂർ ജാമ്യം അനുവദിച്ചു. കർശന ഉപാധികളോടെയാണ് ജാമ്യം നൽകിയിരിക്കുന്നത്.
ബംഗളൂരു സ്വദേശിയായ 23 കാരി നൽകിയ പരാതിയിലാണ് കോടതി ഉത്തരവ് പുറപ്പെടുവിച്ചത്. 2023-ൽ വിവാഹ വാഗ്ദാനം നൽകി തിരുവനന്തപുരം സമീപത്തെ ഒരു ഹോംസ്റ്റേയിൽ പീഡിപ്പിച്ചുവെന്നാണ് പരാതി.
അന്വേഷണവുമായി പൂർണ്ണമായി സഹകരിക്കണമെന്ന് കോടതി നിർദ്ദേശിച്ചു. കൂടാതെ, ഓരോ തിങ്കളാഴ്ചയും അന്വേഷണ ഉദ്യോഗസ്ഥരുടെ മുന്നിൽ ഹാജരാകണം എന്ന വ്യവസ്ഥ ഉൾപ്പെടെ വിശദമായ ഉപാധികൾ ഉടൻ ലഭ്യമാക്കുമെന്ന് കോടതി അറിയിച്ചു.

മാങ്കൂട്ടത്തിന്റെയെതിരായ ആദ്യ ബലാത്സംഗ കേസിൽ മുൻകൂർ ജാമ്യം നേരത്തെ കോടതി തള്ളിയിരുന്നു. എന്നാൽ ഈ കേസിൽ ഹൈക്കോടതിയിൽ നിന്ന് അദ്ദേഹം ഇടക്കാല സംരക്ഷണം നേടിയിരുന്നു.
വിഷയത്തിന്റെ ഗൗരവം പരിഗണിച്ച് കോൺഗ്രസ് പാർട്ടി രാഹുൽ മാങ്കൂട്ടത്തിലിനെ പാർട്ടിയിൽ നിന്ന് പുറത്താക്കുകയും ചെയ്തിരുന്നു.