ശബരിമല: ഇക്കൊല്ലം മണ്ഡലകാലത്ത് ശബരിമല ശ്രീധർമശാസ്താ ക്ഷേത്രത്തിൽ ദർശനം നടത്തിയ ഭക്തരുടെ എണ്ണം 36,33,191 ആയി. മണ്ഡലകാലപൂജയ്ക്കായി ക്ഷേത്രനട തുറന്ന ദിവസം മുതൽ ഡിസംബർ 27ന് നടയടക്കുന്നത് വരെ ഉള്ളതാണ് ഈ കണക്കുകൾ എന്ന് ദേവസ്വം അധികൃതർ വ്യക്തമാക്കി.
ഇക്കൊല്ലം ശബരിമലയിൽ എത്തിയവരിൽ 30,91,183 പേർ ഓൺലൈൻ ബുക്കിങ്ങിലൂടെയാണ് ദർശനം നടത്തിയത്. സ്പോട്ട് ബുക്കിങ്ങിലൂടെ 4,12,075 പേരും പുൽമേട് വഴിയായി 1,29,933 പേരും സന്നിധാനത്തെത്തി ദർശനം നടത്തി.
കഴിഞ്ഞ വർഷം മണ്ഡലകാലം അവസാനിക്കുമ്പോൾ 32,49,756 ഭക്തരാണ് ശബരിമലയിൽ ദർശനം നടത്തിയിരുന്നത്. അതിനെ അപേക്ഷിച്ച് ഇക്കുറി 3,83,435 പേരുടെ വർധനവാണ് രേഖപ്പെടുത്തിയത്. ഭക്തരുടെ വർധിച്ചെത്തൽ ക്രമീകരണങ്ങൾ കാര്യക്ഷമമായിരുന്നുവെന്നും മണ്ഡലകാലം സമാധാനപരമായി പൂർത്തിയാക്കാനായെന്നും അധികൃതർ വ്യക്തമാക്കി.
