ദീർഘകാലമായി ഉയർന്നുവന്ന യാത്രക്കാരുടെ ആവശ്യങ്ങൾ പരിഗണിച്ച് 16327/28 മധുരൈ–ഗുരുവായൂർ എക്സ്പ്രസ് ട്രെയിനിന് ചെറിയനാട് സ്റ്റോപ്പ് അനുവദിച്ചതായി കൊടിക്കുന്നിൽ സുരേഷ് എംപി അറിയിച്ചു. ജനുവരി 26 മുതൽ ട്രെയിൻ ചെറിയനാട് സ്റ്റേഷനിൽ നിർത്തി സർവീസ് നടത്തും.
പുതിയ സമയക്രമം പ്രകാരം മധുരൈ ദിശയിൽ പോകുന്ന ട്രെയിൻ വൈകുന്നേരം 8.49ന് ചെറിയനാട്ടിൽ നിർത്തും. ഗുരുവായൂർ ദിശയിലേക്കുള്ള ട്രെയിൻ രാവിലെ 10.19ന് ചെറിയനാട് സ്റ്റേഷനിൽ എത്തും.
ചെറിയനാട് ഉൾപ്പെടെയുള്ള സമീപ പ്രദേശങ്ങളിലെ വിദ്യാർത്ഥികൾ, തൊഴിലാളികൾ, വ്യാപാരികൾ, തീർത്ഥാടകർ എന്നിവർക്ക് ഈ തീരുമാനം വലിയ ആശ്വാസമാകുമെന്ന് എംപി പറഞ്ഞു. മധുരൈ, തിരുച്ചിറപ്പള്ളി, ദിണ്ഡിഗൽ തുടങ്ങിയ പ്രധാന വിദ്യാഭ്യാസ–വ്യാപാര കേന്ദ്രങ്ങളിലേക്കുള്ള യാത്രക്കും ഗുരുവായൂർ തീർത്ഥാടനത്തിനും ഈ സർവീസ് ഏറെ ഉപകാരപ്രദമാകും.
