പശ്ചിമേഷ്യയിലെ സംഘർഷാവസ്ഥയെ തുടർന്ന് രാജ്യത്തെ ഇന്ധന വില നിയന്ത്രിക്കാനുള്ള നീക്കമായി കേന്ദ്ര സർക്കാർ എക്സൈസ് നികുതി കുറച്ചു. പെട്രോളിനും ഡീസലിനുമുള്ള നികുതികളിലാണ് ഇളവ് പ്രഖ്യാപിച്ചത്.

പെട്രോളിന് ലിറ്ററിന് ഉണ്ടായിരുന്ന 13 രൂപ നികുതി 3 രൂപയായി കുറച്ചതോടെ 10 രൂപയുടെ കുറവാണ് ഉണ്ടായത്. അതേസമയം, ഡീസലിന് ലിറ്ററിന് ഉണ്ടായിരുന്ന 10 രൂപ നികുതി പൂർണമായും ഒഴിവാക്കി.

ക്രൂഡോയിൽ വില കുത്തനെ ഉയരുന്ന പശ്ചാത്തലത്തിൽ ഇന്ധനവില വർധന നിയന്ത്രിക്കാനാണ് ഈ നടപടി. നിലവിൽ ക്രൂഡ് ഓയിലിന് ബാരലിന് 149 രൂപയോളം വിലയുള്ള സാഹചര്യത്തിൽ, എക്സൈസ് തീരുവ കുറച്ച് ഉപഭോക്താക്കൾക്ക് ആശ്വാസം നൽകാനാണ് കേന്ദ്ര സർക്കാരിന്റെ ശ്രമം.