തൃശൂർ: നാട്ടിക ദേശീയപാതയിലെ ടോൾ പിരിവ് താൽക്കാലികമായി നിർത്തിവെക്കാൻ നിർദേശം നൽകിയതായി പൊതുമരാമത്ത് മന്ത്രി പി.കെ. ബഷീർ അറിയിച്ചു.
കൊടുങ്ങല്ലൂർ–കപ്രിക്കാട് സ്ട്രെച്ചിലെ നിർമാണപ്രവർത്തനങ്ങൾ പൂർണമായി പൂർത്തിയാകാത്ത സാഹചര്യത്തിൽ ടോൾ പിരിവ് ആരംഭിച്ചാൽ പ്രദേശത്ത് ഗതാഗതക്കുരുക്ക് ഉണ്ടാകാൻ സാധ്യതയുണ്ടെന്ന ജില്ലാ കലക്ടറുടെയും പോലീസിന്റെയും റിപ്പോർട്ടിന്റെ അടിസ്ഥാനത്തിലാണ് നടപടി.
നിർമാണപ്രവർത്തനങ്ങൾ പൂർണമായി പൂർത്തിയാക്കി സുരക്ഷിതവും സുഗമവുമായ ഗതാഗതം ഉറപ്പാക്കുന്ന സാഹചര്യത്തിൽ മാത്രമേ നാട്ടികയിലെ ടോൾ പിരിവ് ആരംഭിക്കുന്നതുമായി ബന്ധപ്പെട്ട് തുടർനടപടികൾ സ്വീകരിക്കുകയുള്ളൂവെന്നും മന്ത്രി വ്യക്തമാക്കി.
