ഏറെ പ്രതീക്ഷയോടെ കാത്തിരുന്ന പുതിയ ഡ്രാക്കുള ചിത്രമായ ‘ദി ലാസ്റ്റ് വോയേജ് ഓഫ് ദി ഡിമീറ്ററിന്റെ’ ട്രെയിലർ യൂണിവേഴ്സൽ പുറത്തിറക്കി. 2021 വേനൽക്കാലത്ത് ചിത്രീകരണം നട ത്തിയെങ്കിലും റിലീസിന് കാലതാമസം നേരിട്ടു, ഒടുവിൽ ഈ ഓഗസ്റ്റിൽ തിയേറ്ററുകളിൽ റിലീസ് ചെയ്യാൻ തീരുമാനമായി.  ബ്രാം സ്റ്റോക്കറുടെ ഡ്രാക്കുളയിലെ ഒരു അധ്യായത്തിൽ നിന്ന് പ്രചോദനം ഉൾക്കൊണ്ട് നിർമ്മിച്ചതാണ് സിനിമ.
 
കാർപാത്തിയയിൽ നിന്ന് ലണ്ടനിലേക്ക്  അടയാളപ്പെടുത്താത്ത തടി പെട്ടികൾ  കൊണ്ടുപോകാൻ ചാർട്ടേഡ് ചെയ്ത റഷ്യൻ കപ്പലായ ഡിമീറ്ററിലാണ് കഥ നടക്കുന്നത്.ഓരോ രാത്രിയിലും കപ്പലിൽ ഭയാനകമായ സംഭവ പരമ്പരകൾ അരങ്ങേറുന്നു.നിഗൂഢ സാഹചര്യങ്ങളിൽ
കപ്പലിലെ ജോലിക്കാർ ഓരോ ദിവസവും അപ്രത്യക്ഷരായിക്കൊണ്ടിരുന്നു.ഒടുവിൽ ഇംഗ്ലണ്ടിന്റെ തീരത്ത്  ഡിമീറ്റർ എത്തുമ്പോൾ, അത് കരിഞ്ഞതും നശിച്ചതുമായ ഒരു അവശിഷ്ടമാണ്.  ജോലിക്കാരുടെ ഒരു തുമ്പും ഇല്ല.  ദി ലാസ്റ്റ് വോയേജ് ഓഫ് ദി ഡിമീറ്റർ സംവിധാനം ചെയ്തത് നോർവീജിയൻ ചലച്ചിത്ര നിർമ്മാതാവായ ആന്ദ്രേ ഓവ്രെഡലാണ് . കോറി ഹോക്കിൻസ് , ജോൺ ജോൺ ബ്രിയോൺസ്, സ്റ്റെഫാൻ കാപിസിക്, നിക്കോളായ് നിക്കോളഫ്, ഹാവിയർ ബോട്ടെറ്റ് എന്നിവരും അഭിനയിക്കുന്നു

‘ദി ലാസ്റ്റ് വോയേജ് ഓഫ് ദി ഡിമീറ്റർ’  2023 ഓഗസ്റ്റ് 11-ന് തിയേറ്ററുകളിൽ അരങ്ങേറ്റം കുറിക്കും