ചൊവ്വാഴ്ച കേരളത്തിൽ ഒരു സ്ത്രീ യാത്രക്കാരിയോട് മോശമായി പെരുമാറിയതിന് റെയിൽവേ ട്രാവൽ ടിക്കറ്റ് എക്സാമിനറെ (ടിടിഇ) അറസ്റ്റ് ചെയ്തു. നിലമ്പൂർ-കൊച്ചുവേളി രാജ്യറാണി എക്‌സ്പ്രസിലെ ടിടിഇ തിരുവനന്തപുരം സ്വദേശി നിതീഷിനെയാണ് യാത്രക്കാരിയായ യുവതിയുടെ പരാതിയുടെ അടിസ്ഥാനത്തിൽ റെയിൽവേ പോലീസ് കോട്ടയത്ത് അറസ്റ്റ് ചെയ്തത്.
നിലമ്പൂരിൽ നിന്നാണ് യുവതി ട്രെയിനിൽ കയറിയത്. തിരുവനന്തപുരത്തേക്ക് ഒറ്റയ്ക്ക് യാത്ര ചെയ്യുന്ന അവളെ ശ്രദ്ധിക്കാൻ അച്ഛൻ ടിടിഇയോട് ആവശ്യപ്പെട്ടതായി റിപ്പോർട്ടുകൾ പറയുന്നു. എന്നാൽ, ഇത് മുതലെടുത്ത ടിടിഇ യുവതിയോട് മോശമായി പെരുമാറാൻ തുടങ്ങി. ആലുവയിൽ വെച്ച് മറ്റൊരു കമ്പാർട്ട്മെന്‍റിലേക്ക് മാറണമെന്ന് യുവതിയോട് നിതീഷ് ആവശ്യപ്പെട്ടു. ഇതിന് വഴങ്ങാതെ വന്നതോടെ യുവതിയുടെ കയ്യിൽ കയറി പിടിച്ചു എന്നാണ് പരാതി. യുവതി ആലുവയിലെ കൺട്രോൾ റൂമുമായി ഫോണിൽ ബന്ധപ്പെട്ടു.
സംഭവസമയത്ത് ടിടിഇ മദ്യലഹരിയിലായിരുന്നുവെന്ന് പോലീസ് പറഞ്ഞു. ടിടിഇക്കെതിരെ ജാമ്യമില്ലാ വകുപ്പുകൾ ചുമത്തി.
