ശോഭനമായ ഭാവി സൃഷ്ടിക്കാനുള്ള ഉടമ എലോൺ മസ്‌കിന്റെ കാഴ്ചപ്പാടിൽ നിന്ന് താൻ പ്രചോദനം ഉൾക്കൊണ്ടിട്ടുണ്ടെന്നും സോഷ്യൽ മീഡിയ പ്ലാറ്റ്‌ഫോമിനെ മാറ്റാൻ സഹായിക്കുന്നതിൽ സന്തോഷമുണ്ടെന്നും നിയുക്ത ട്വിറ്റർ സിഇഒ ലിൻഡ യാക്കാരിനോ ശനിയാഴ്ച പറഞ്ഞു.
കോംകാസ്റ്റ് കോർപ്പറേഷന്റെ എൻ‌ബി‌സി യൂണിവേഴ്‌സലിന്റെ പരസ്യ മേധാവിയായി വർഷങ്ങളോളം അതിന്റെ പരസ്യ ബിസിനസ്സ് നവീകരിക്കുന്നതിനായി ചെലവഴിച്ച യക്കാരിനോ, ട്വിറ്ററിന്റെ ഭാവിയിൽ താൻ പ്രതിജ്ഞാബദ്ധയാണെന്നും .എല്ലാവരുടെയും പിന്തുണയോടെ ട്വിറ്റർ 2.0 നിർമ്മിക്കുമെന്നും അതിന് ഉപയോക്തൃ ഫീഡ്‌ബാക്ക് അത്യന്താപേക്ഷിതമാണെന്നും പറഞ്ഞു.
പരസ്യവരുമാനത്തിലെ ഇടിവ് മാറ്റാൻ ശ്രമിക്കുന്നതും കനത്ത കടബാധ്യതയ്‌ക്കൊപ്പം വെല്ലുവിളികളാൽ വലയുന്നതുമായ ഒരു സോഷ്യൽ മീഡിയ പ്ലാറ്റ്‌ഫോം യാക്കാരിനോ ഏറ്റെടുക്കുകയാണ്
മസ്‌ക് ട്വിറ്റർ ഏറ്റെടുത്തതു മുതൽ, കമ്പനിയുടെ 80% ജീവനക്കാരെയും നഷ്ടപ്പെട്ടതിനെ തുടർന്ന് ട്വിറ്ററിൻ്റെ ഭാവിയെക്കുറിച്ചുള്ള ആശങ്കയിൽ പരസ്യദാതാക്കൾ പ്ലാറ്റ്‌ഫോമിൽ നിന്ന് വിട്ട് പോയി. പരസ്യവരുമാനത്തിൽ ട്വിറ്ററിന് വൻ ഇടിവുണ്ടായതായി ഈ വർഷം ആദ്യം മസ്‌ക് സമ്മതിച്ചിരുന്നു.
പിയർ-ടു-പിയർ പേയ്‌മെന്റുകൾ പോലുള്ള വിവിധ സേവനങ്ങൾ വാഗ്ദാനം ചെയ്യുന്ന “എല്ലാം ഉൾകൊള്ളുന്ന ഒരു പുതിയ ആപ്പ്” നിർമ്മിക്കാൻ യാക്കാരിനോ സഹായിക്കുമെന്ന് മസ്‌ക് പറഞ്ഞു.
ഇലക്‌ട്രിക് വാഹന നിർമാതാക്കളായ ടെസ്‌ലയുടെ സിഇഒ കൂടിയായ മസ്‌ക്, ട്വിറ്ററിന്റെ പുതിയ മേധാവിയായി യാക്കറിനോയെ കൊണ്ടുവരുന്നത് ടെസ്‌ലയ്‌ക്കായി കൂടുതൽ സമയം നീക്കിവയ്ക്കാൻ സഹായിക്കുമെന്ന് വെള്ളിയാഴ്ച പറഞ്ഞു.
