ബോർഡ് ഓഫ് കൺട്രോൾ ഫോർ ക്രിക്കറ്റ് ഇൻ ഇന്ത്യ (ബിസിസിഐ) ഓണററി സെക്രട്ടറി ജയ് ഷാ തിങ്കളാഴ്ച ടീം ഇന്ത്യയുടെ പുതിയ കിറ്റ് സ്പോൺസറെ പ്രഖ്യാപിച്ചു
അഡിഡാസിനെയാണ് ടീം ഇന്ത്യയുടെ കിറ്റ് സ്പോൺസർ ആയി തെരെഞ്ഞെടുത്തിരിക്കുന്നത്
“ഒരു കിറ്റ് സ്പോൺസർ എന്ന നിലയിൽ അഡിഡാസുമായുള്ള ബിസിസിയുടെ-യുടെ പങ്കാളിത്തം പ്രഖ്യാപിക്കുന്നതിൽ എനിക്ക് സന്തോഷമുണ്ട്. ക്രിക്കറ്റ് കളി വളർത്തിയെടുക്കാൻ ഞങ്ങൾ പ്രതിജ്ഞാബദ്ധരാണ്, ലോകത്തിലെ പ്രമുഖ സ്പോർട്സ് വെയർ ബ്രാൻഡുകളിലൊന്നുമായി പങ്കാളിയാകാൻ ഞങ്ങൾ പ്രതിജ്ഞാബദ്ധരാണ്.” ജയ് ഷാ ട്വീറ്റ് ചെയ്തു.
നിലവിലെ സ്പോൺസർ കില്ലർ ജീൻസിൻ്റെ കരാർ മെയ് 31-ന് അവസാനിക്കും, അതിനുശേഷം അഡിഡാസുമായുള്ള കരാർ പ്രാബല്യത്തിൽ വരും. കില്ലർ ജീൻസിനു മുമ്പ് എംപിഎൽ ആയിരുന്നു ഇന്ത്യയുടെ കിറ്റ് സ്പോൺസർ.
നിലവിലെ സ്പോൺസറായ ബൈജൂസ് 2023 നവംബറിൽ കരാർ അവസാനിപ്പിക്കാൻ തയ്യാറാണെന്ന് റിപ്പോർട്ടുകൾ പുറത്തുവന്നതിന് പിന്നാലെ ബിസിസിഐ പുതിയ പ്രാഥമിക സ്പോൺസറെയും തേടുകയാണ്.
