എംഎസ്എംഇകൾക്കായി ഒരു ഇൻഷുറൻസ് പദ്ധതി ഏർപ്പെടുത്തുന്നതായി കേരള സർക്കാർ ബുധനാഴ്ച പ്രഖ്യാപിച്ചു. ഒരു നിശ്ചിത പരിധി വരെ പ്രീമിയത്തിന്റെ 50% സർക്കാർ വഹിക്കുമെന്ന് വ്യവസായ മന്ത്രി പി രാജീവ് പറഞ്ഞു.

അന്താരാഷ്ട്ര എംഎസ്എംഇ ദിനാചരണത്തിന്റെ ഉദ്ഘാടന വേളയിലാണ് ഇക്കാര്യം അറിയിച്ചത്.

മൂന്ന് വർഷത്തിലേറെയായി പ്രവർത്തിക്കുന്ന 1,000 എംഎസ്എംഇ സംരംഭങ്ങൾക്ക് അവരുടെ ബിസിനസ് വളർച്ചയെ സഹായിക്കുന്നതിനായി സർക്കാർ ഒരു ലക്ഷം രൂപ നൽകുമെന്നും മന്ത്രി രാജീവ് സൂചിപ്പിച്ചു” അദ്ദേഹം പറഞ്ഞു.

‘സംരംഭകത്വ വർഷത്തിൽ’ ആരംഭിച്ച ഒരു തദ്ദേശ സ്ഥാപനം ഒരു ഉൽപ്പന്നം  പദ്ധതിയുടെ ഭാഗമായി, വിശദമായ പദ്ധതി തയ്യാറാക്കുന്നതിനുള്ള ചെലവുകൾക്കായി വ്യവസായ വാണിജ്യ വകുപ്പ് തദ്ദേശ സ്വയംഭരണ സ്ഥാപനങ്ങൾക്ക് 50,000 രൂപ നൽകും. 

കൂടാതെ, മികച്ച എംഎസ്എംഇ യൂണിറ്റിനും പഞ്ചായത്തിനും വാർഷിക അവാർഡുകൾ നല്കി തുടങ്ങാനും സർക്കാർ പദ്ധതിയിടുന്നു.  എംഎസ്എംഇകൾ നേരിടുന്ന പ്രശ്‌നങ്ങൾ തിരിച്ചറിയുന്നതിനും പരിഹരിക്കുന്നതിനുമായി സോഫ്റ്റ്‌വെയർ വികസിപ്പിക്കാനും ലക്ഷ്യമിടുന്നു.  കൂടാതെ, തിരഞ്ഞെടുത്ത എഞ്ചിനീയറിംഗ് കോളേജുകളിൽ ക്യാമ്പസ് ഇൻഡസ്ട്രിയൽ പാർക്കുകൾ സ്ഥാപിക്കും.

കഴിഞ്ഞ വർഷം കേരളത്തിൽ 139,840 പുതിയ എംഎസ്എംഇകൾ സ്ഥാപിതമായതായും ഈ വർഷം 4,184 പുതിയ സംരംഭങ്ങൾ കൂടി ആരംഭിച്ചതായും മന്ത്രി രാജീവ് എടുത്തുപറഞ്ഞു.