കോഴിക്കോട്: ഒമാനില് കാര് ഡിവൈഡറില് ഇടിച്ചുണ്ടായ അപകടത്തില് കോഴിക്കോട് സ്വദേശിയായ ഒരു പ്രവാസി മലയാളി മരിച്ചു.
മരണപ്പെട്ടത് കോഴിക്കോട് കുറ്റ്യാടി പാലേരി ചെറിയ കുമ്ബളം വാഴയില് സ്വദേശിയായ അസ്ഹര് ഹമീദ് (35) ആണ്. അപകടം ഒമാനിലെ ഖാബൂറയിലായിരുന്നു.
ബുധനാഴ്ച വൈകീട്ട് ബിസിനസ് ആവശ്യത്തിനായി സുഹാറില് നിന്ന് മടങ്ങുന്നതിനിടെ ആണ് ദുരന്തം സംഭവിച്ചത്. അസ്ഹര് സഞ്ചരിച്ച കാര് നിയന്ത്രണം വിട്ട് ഖാബൂറയില് വെച്ച് ഡിവൈഡറില് ഇടിച്ചുകയറുകയായിരുന്നു.അസ്ഹറിന്റെ പിതാവും വര്ഷങ്ങള്ക്കുമുമ്പ് ഒമാനില് നടന്ന വാഹനാപകടത്തിലാണ് മരിച്ചത്.
മസ്കത്തില് ബിസിനസ് ചെയ്ത് വന്നിരുന്ന അസ്ഹര്, റൂയി ഹോണ്ട റോഡിലെ ഒരു അപാര്ട്ട്മെന്റില് കുടുംബത്തോടൊപ്പം കഴിയുകയായിരുന്നു. അദ്ദേഹത്തിന്റെ മാതാവ് താഹിറ, ഭാര്യ ഹശ്മിയ, മകള് ദനീന് എന്നിവരാണ് ബന്ധുക്കള്.
മൃതദേഹം നിലവില് ഖാബൂറ ആശുപത്രിയില് സൂക്ഷിച്ചിരിക്കുന്നു.
