കാഞ്ഞങ്ങാട്: “സമസ്ത ശതാബ്ദി സമ്മേളനം” നടക്കുന്നതിന്റെ ഭാഗമായി, കാഞ്ഞങ്ങാട് റെയിൽവേ സ്റ്റേഷനിൽ അന്ത്യോദയ എക്‌സ്പ്രസ് ട്രെയിനുകൾക്ക് താൽക്കാലിക സ്റ്റോപ്പ് അനുവദിച്ചതായി റെയിൽവേ അറിയിച്ചു. സമ്മേളനത്തിൽ പങ്കെടുക്കുന്ന യാത്രക്കാരുടെ സൗകര്യം കണക്കിലെടുത്താണ് തീരുമാനം.
അറിയിപ്പിൻ പ്രകാരം, തിരഞ്ഞെടുത്ത ദിവസങ്ങളിൽ ട്രെയിനുകൾക്ക് ഒരു മിനിറ്റ് ദൈർഘ്യമുള്ള സ്റ്റോപ്പ് കാഞ്ഞങ്ങാട്ട് ഉണ്ടാകും.

ട്രെയിൻ വിവരങ്ങൾ:
ട്രെയിൻ നമ്പർ 16355 – തിരുവനന്തപുരം നോർത്ത്–മംഗളൂരു ജംഗ്ഷൻ അന്ത്യോദയ എക്‌സ്പ്രസ് കാഞ്ഞങ്ങാട് എത്തുന്ന സമയം 07.04, പുറപ്പെടുന്ന സമയം 07.05. 2026 ഫെബ്രുവരി 5, 7 തീയതികളിൽ ഉള്ള സർവീസുകൾക്ക് സ്റ്റോപ്പേജ് ബാധകമായിരിക്കും.

ട്രെയിൻ നമ്പർ 16356 – മംഗളൂരു ജംഗ്ഷൻ–തിരുവനന്തപുരം നോർത്ത് അന്ത്യോദയ എക്‌സ്പ്രസ് കാഞ്ഞങ്ങാട് എത്തുന്ന സമയം 20.59, പുറപ്പെടുന്ന സമയം 21.00. 2026 ഫെബ്രുവരി 6, 8 തീയതികളിൽ സർവീസുകൾക്ക് സ്റ്റോപ്പേജ് അനുവദിക്കും.

താൽക്കാലിക ക്രമീകരണം ആയതിനാൽ യാത്രക്കാർ യാത്രാ പദ്ധതികൾ തയ്യാറാക്കുമ്പോൾ ഇത് ശ്രദ്ധിക്കണമെന്ന് റെയിൽവേ അധികൃതർ അറിയിച്ചു.