സൗദി ലീഗിലെ മത്സരത്തിൽ
എതിരാളികളായ അൽ-ഇത്തിഹാദിനോട് അൽ-നാസർ 1-0ന് പരാജയപ്പെട്ടതിനു ശേഷം ക്രിസ്റ്റ്യാനോ റൊണാൾഡോ തൻ്റെ രോഷവും നിരാശയും പ്രകടിപ്പിച്ചു.മത്സരത്തിനു ശേഷം അദ്ദേഹം
ടീമംഗളോട് പൊട്ടിത്തെറിക്കുകയും വെള്ളക്കുപ്പികൾ ചവിട്ട തെറിപ്പിക്കുകയും ചെയ്തു.സൗദി ക്ലബ്ബിലെത്തിയതിന് ശേഷം റൊണാൾഡോയുടെ ആദ്യ തോൽവിയാണിത്.
38-കാരൻ മത്സരത്തിൽ തന്റെ അവസാന രണ്ട് ശ്രമങ്ങളിൽ ഗോൾ കണ്ടെത്തുന്നതിൽ പരാജയപ്പെട്ടു. അവസാന വിസിലിൽ അദ്ദേഹം തീർത്തും നിരാശനായി.
ഒരു ടീമംഗം ആശ്വസിപ്പിച്ചെങ്കിലും, മത്സരഫലത്തിൽ റൊണാൾഡോ അതീവ നിരാശനായിരുന്നു.നി അമർഷത്തോടെ നടന്നു നീങ്ങിയ അദ്ദേഹം
ടച്ച്‌ലൈനിൽ വച്ചിരുന്ന ഒരു കൂട്ടം വാട്ടർ ബോട്ടിലുകൾ ചവിട്ടി തെറിപ്പിച്ചു
സൗദി അറേബ്യയുടെ മികച്ച രണ്ട് ടീമുകൾ തമ്മിലുള്ള മത്സരത്തിൽ എല്ലാ കണ്ണുകളും റൊണാൾഡോയിലായിരുന്നു. പക്ഷേ, കളിയിൽ ഫോം കണ്ടെത്താൻ ബുദ്ധിമുട്ടുകയും ടീമംഗങ്ങൾക്ക് പ്രചോദനം നൽകാനുമായില്ല.
ഇടവേളയ്ക്ക് മുമ്പ് റൊണാൾഡോയ്ക്ക് ഒരു അവസരം ലഭിച്ചു, അൽ-ഇത്തിഹാദ് ഗോൾകീപ്പർ മാർസെലോ അത് നന്നായി സേവ് ചെയ്തു, പക്ഷെ പോർച്ചുഗീസ് താരം എന്തായാലും ഓഫ്‌സൈഡ് ആയിരുന്നു.
