പാലക്കാട്: തിരുവനന്തപുരം റെയിൽവേ ഡിവിഷന് കീഴിലുള്ള ട്രെയിൻ നമ്പർ 16791 തൂത്തുക്കുടി–പാലക്കാട് ജംഗ്ഷൻ പാലരുവി എക്സ്പ്രസിന്റെ സമയക്രമത്തിൽ മാറ്റം പ്രഖ്യാപിച്ചു. 2026 ഒക്ടോബർ 2 മുതൽ ആരംഭിക്കുന്ന സർവീസുകൾക്ക് പുതിയ സമയക്രമം ബാധകമായിരിക്കുമെന്ന് പാലക്കാട് റെയിൽവേ ഡിവിഷൻ അറിയിച്ചു.

പുതുക്കിയ സമയക്രമപ്രകാരം വിവിധ സ്റ്റേഷനുകളിലെ എത്തിച്ചേരൽ, പുറപ്പെടൽ സമയങ്ങൾ നേരത്തെയാക്കും. യാത്രക്കാർ പുതിയ സമയക്രമം ശ്രദ്ധിച്ച് യാത്ര ക്രമീകരിക്കണമെന്ന് റെയിൽവേ അധികൃതർ അഭ്യർഥിച്ചു.

പുതുക്കിയ സമയക്രമം:

ആലുവ: നിലവിൽ 09.05 / 09.07 → പുതിയത് 08.56 / 08.58

അങ്കമാലി: നിലവിൽ 09.17 / 09.18 → പുതിയത് 09.08 / 09.09

ഇരിങ്ങാലക്കുട: നിലവിൽ 09.38 / 09.39 → പുതിയത് 09.32 / 09.33

തൃശൂർ: നിലവിൽ 10.04 / 10.07 → പുതിയത് 09.54 / 09.57

ട്രെയിൻ സർവീസുകളുടെ കാര്യക്ഷമത മെച്ചപ്പെടുത്തുന്നതിന്റെ ഭാഗമായാണ് ഈ സമയക്രമ പരിഷ്‌കരണമെന്ന് റെയിൽവേ അറിയിച്ചു. യാത്രക്കാർ യാത്രയ്ക്ക് മുമ്പ് പുതുക്കിയ സമയക്രമം പരിശോധിച്ച് സ്റ്റേഷനുകളിൽ സമയബന്ധിതമായി എത്തിച്ചേരണമെന്നും അധികൃതർ നിർദേശിച്ചു.