കൊല്ലം: കുന്നത്തൂർ ശാസ്താംകോട്ട ഗ്രാമപഞ്ചായത്തിലെ വിവിധ പ്രദേശങ്ങളിൽ പ്രാദേശിക വികസന ഫണ്ട് ഉപയോഗിച്ച് സ്ഥാപിച്ച മൂന്ന് മിനി മാസ്റ്റ് ലൈറ്റുകളുടെ സ്വിച്ച് ഓൺ കർമ്മം കൊടിക്കുന്നിൽ സുരേഷ് എംപി നിർവഹിച്ചു.

11-ാം വാർഡിലെ പുന്നക്കാട്, രാജഗിരി ജംഗ്ഷൻ, 15-ാം വാർഡിലെ മനോവികാസ് ജംഗ്ഷൻ എന്നിവിടങ്ങളിലാണ് മിനി മാസ്റ്റ് ലൈറ്റുകൾ സ്ഥാപിച്ചത്. രാത്രികാല യാത്ര കൂടുതൽ സുരക്ഷിതമാക്കുന്നതിനും പ്രദേശവാസികൾക്ക് ആവശ്യമായ വെളിച്ചം ഉറപ്പാക്കുന്നതിനും പുതിയ ലൈറ്റുകൾ സഹായകരമാകും.

പ്രദേശത്തെ ഗതാഗത സുരക്ഷയും പൊതുജനങ്ങളുടെ സൗകര്യവും മെച്ചപ്പെടുത്തുന്നതിന്റെ ഭാഗമായാണ് ലൈറ്റുകൾ സ്ഥാപിച്ചതെന്ന് എംപി അറിയിച്ചു. പ്രാദേശിക വികസന ഫണ്ടിൽ നിന്ന് അനുവദിച്ച തുക ഉപയോഗിച്ചാണ് പദ്ധതി നടപ്പാക്കിയത്.