തിരുവനന്തപുരം: ബീമാപള്ളി ദർഗാ ശരീഫിലെ ചരിത്രപ്രസിദ്ധമായ ഉറൂസ് മഹോത്സവത്തോടനുബന്ധിച്ച് തിരുവനന്തപുരം നഗരസഭാ പരിധിയിൽ നവംബർ 11 ബുധനാഴ്ച പ്രാദേശിക അവധി പ്രഖ്യാപിച്ചു. ജില്ലാ കളക്ടറാണ് അവധി സംബന്ധിച്ച ഉത്തരവിറക്കിയത്.
തിരുവനന്തപുരം നഗരസഭാ പരിധിയിൽ വരുന്ന എല്ലാ സർക്കാർ ഓഫീസുകൾക്കും പ്രൊഫഷണൽ കോളേജുകൾ ഉൾപ്പെടെയുള്ള വിദ്യാഭ്യാസ സ്ഥാപനങ്ങൾക്കും അവധി ബാധകമായിരിക്കും.
അതേസമയം, മുൻകൂട്ടി നിശ്ചയിച്ച പൊതുപരീക്ഷകൾക്ക് അവധി ബാധകമല്ലെന്ന് ജില്ലാ ഭരണകൂടം അറിയിച്ചു.
ബീമാപള്ളി ഉറൂസ് മഹോത്സവത്തോടനുബന്ധിച്ച് ഭക്തജനങ്ങൾക്കും വിശ്വാസികൾക്കും പങ്കെടുക്കുന്നതിനുള്ള സൗകര്യം പരിഗണിച്ചാണ് പ്രാദേശിക അവധി പ്രഖ്യാപിച്ചിരിക്കുന്നത്.
