You are currently viewing കുറവിലങ്ങാട്–കോഴ സയൻസ് സിറ്റി ജംഗ്ഷനിൽ വികസന പദ്ധതി; 92 ലക്ഷം രൂപ അനുവദിച്ചു

കുറവിലങ്ങാട്–കോഴ സയൻസ് സിറ്റി ജംഗ്ഷനിൽ വികസന പദ്ധതി; 92 ലക്ഷം രൂപ അനുവദിച്ചു

കുറവിലങ്ങാട്–കോഴ സയൻസ് സിറ്റി ജംഗ്ഷനിൽ വിവിധ വികസന പ്രവർത്തനങ്ങൾ നടപ്പിലാക്കുന്നതിനായി 92 ലക്ഷം രൂപ അനുവദിച്ചു. എംഎൽഎ ആസ്തിവികസന ഫണ്ടിൽനിന്നാണ് തുക അനുവദിച്ചിരിക്കുന്നത്. ജലവിഭവ-ഭവന വകുപ്പ് മന്ത്രി അഡ്വ. മോൻസ് ജോസഫാണ് വികസന പദ്ധതിയുടെ വിവരങ്ങൾ പങ്കുവെച്ചത്.

ജംഗ്ഷനിൽ പബ്ലിക് യൂട്ടിലിറ്റി സെന്റർ, ബസ് ഷെൽട്ടർ, ഇലക്ട്രിക് ചാർജിങ് പോയിന്റ്, സോളാർ ലൈറ്റിങ്, മിനി പാർക്ക്, സൗന്ദര്യവൽക്കരണം തുടങ്ങിയ പ്രവർത്തനങ്ങളാണ് പദ്ധതിയിൽ ഉൾപ്പെടുത്തിയിരിക്കുന്നത്.

ഇതിനുപുറമെ ഡിജിറ്റൽ ഇൻഫർമേഷൻ ഡിസ്പ്ലേ, സി.സി.ടി.വി. സംവിധാനങ്ങളും ഒരുക്കും. യാത്രക്കാർക്കും പൊതുജനങ്ങൾക്കും കൂടുതൽ സൗകര്യങ്ങൾ ലഭ്യമാക്കുന്നതിനും ജംഗ്ഷന്റെ അടിസ്ഥാന സൗകര്യങ്ങൾ മെച്ചപ്പെടുത്തുന്നതിനുമാണ് പദ്ധതി ലക്ഷ്യമിടുന്നത്.

കോഴ സയൻസ് സിറ്റി ജംഗ്ഷനെ കൂടുതൽ സൗകര്യപ്രദവും മനോഹരവുമായ കേന്ദ്രമാക്കി മാറ്റാൻ പദ്ധതിയിലൂടെ കഴിയുമെന്നാണ് പ്രതീക്ഷ.

Leave a Reply