തിരുവനന്തപുരം: കാലങ്ങളായി തുടരുന്ന മുതലപ്പൊഴിയിലെ പ്രശ്നങ്ങൾക്ക് ശാശ്വത പരിഹാരം കാണാൻ സാധ്യമായ എല്ലാ മാർഗങ്ങളും ഉപയോഗിച്ച് സർക്കാർ ശ്രമിച്ചുവരികയാണെന്ന് ചിറയിൻകീഴ് എംഎൽഎ രമ്യാ ഹരിദാസ് പറഞ്ഞു.
ആഭ്യന്തര വകുപ്പ് മന്ത്രി രമേശ് ചെന്നിത്തലയും ഫിഷറീസ് വകുപ്പ് മന്ത്രി വി.ഇ. അബ്ദുൽ ഗഫൂറും ഇന്ന് മുതലപ്പൊഴി സന്ദർശിച്ചു. സർക്കാർ അധികാരത്തിലെത്തിയതിന് ശേഷം ഇത് രണ്ടാം തവണയാണ് ഫിഷറീസ് മന്ത്രി മുതലപ്പൊഴിയിലെത്തുന്നതെന്നും എംഎൽഎ വ്യക്തമാക്കി.
അടുത്തിടെ വള്ളം മറിഞ്ഞ് മരിച്ച ഫ്രീമോന്റെ കുടുംബത്തെ മന്ത്രിമാർ നേരിൽക്കണ്ട് ആശ്വസിപ്പിച്ചു. വള്ളം മറിഞ്ഞ് കാണാതായ ഷിജിമോന്റെ വീടും മന്ത്രിമാർ സന്ദർശിച്ച് കുടുംബാംഗങ്ങളുമായി സംസാരിച്ചു. ഷിജിമോനുവേണ്ടിയുള്ള തിരച്ചിൽ നടപടികൾ കൂടുതൽ ഊർജിതമായി തുടരുമെന്ന് കുടുംബത്തിന് മന്ത്രിമാർ ഉറപ്പ് നൽകി.
നാടിന്റെ പ്രതിസന്ധിഘട്ടങ്ങളിൽ മുന്നിട്ടിറങ്ങിയ മത്സ്യത്തൊഴിലാളി സമൂഹത്തെ സർക്കാർ ചേർത്തുനിർത്തിയിട്ടുണ്ടെന്നും ഇനിയും അവർക്കൊപ്പം നിന്ന് പ്രവർത്തിക്കുമെന്നും രമ്യാ ഹരിദാസ് പറഞ്ഞു.
