മംഗളൂരു: യാത്രക്കാരുടെ തിരക്ക് പരിഗണിച്ച് മംഗളൂരു സെൻട്രൽ–ചെന്നൈ എഗ്മോർ റൂട്ടിലെ പ്രത്യേക ട്രെയിൻ സർവീസുകൾക്ക് അധിക സർവീസുകൾ അനുവദിച്ചു. പാലക്കാട് ഡിവിഷൻ പുറത്തുവിട്ട വിവരങ്ങൾ പ്രകാരം ട്രെയിൻ നമ്പർ 06126 മംഗളൂരു സെൻട്രൽ–ചെന്നൈ എഗ്മോർ സ്പെഷ്യൽ എക്സ്പ്രസും ട്രെയിൻ നമ്പർ 06125 ചെന്നൈ എഗ്മോർ–മംഗളൂരു സെൻട്രൽ സ്പെഷ്യൽ എക്സ്പ്രസും നാല് അധിക സർവീസുകൾ വീതം നടത്തും.

06126 മംഗളൂരു സെൻട്രൽ–ചെന്നൈ എഗ്മോർ സ്പെഷ്യൽ എക്സ്പ്രസ് നിലവിൽ തിങ്കളാഴ്ചകളിലാണ് സർവീസ് നടത്തുന്നത്. സെപ്റ്റംബർ 29 വരെയാണ് നിലവിൽ സർവീസ് പ്രഖ്യാപിച്ചിരുന്നത്. ഇതിന് പുറമെ ഒക്ടോബർ 5 മുതൽ ഒക്ടോബർ 26 വരെ തിങ്കളാഴ്ചകളിൽ നാല് അധിക സർവീസുകൾ നടത്തും.

അതേസമയം, 06125 ചെന്നൈ എഗ്മോർ–മംഗളൂരു സെൻട്രൽ സ്പെഷ്യൽ എക്സ്പ്രസ് ചൊവ്വാഴ്ചകളിലാണ് സർവീസ് നടത്തുന്നത്. സെപ്റ്റംബർ 29 വരെയായിരുന്നു നിലവിലെ സർവീസ്. ഒക്ടോബർ 6 മുതൽ ഒക്ടോബർ 27 വരെ ചൊവ്വാഴ്ചകളിൽ നാല് അധിക സർവീസുകൾ കൂടി നടത്തും.

യാത്രക്കാരുടെ വർധിച്ച ആവശ്യവും തിരക്കും കണക്കിലെടുത്താണ് പ്രത്യേക ട്രെയിൻ സർവീസുകൾ നീട്ടിയിരിക്കുന്നത്. ഇതോടെ മംഗളൂരു–ചെന്നൈ റൂട്ടിൽ ഉത്സവകാല യാത്രക്കാർക്ക് അധിക ട്രെയിൻ സൗകര്യം ലഭിക്കും.