തിരുവനന്തപുരം: 2026-ലെ കേരള പ്ലസ് ടു, വൊക്കേഷണൽ ഹയർ സെക്കൻഡറി പരീക്ഷാഫലം പൊതുവിദ്യാഭ്യാസ മന്ത്രി എൻ. ഷംസുദ്ദീൻ പ്രഖ്യാപിച്ചു. ഇത്തവണ 77.97 ശതമാനമാണ് വിജയശതമാനം. കഴിഞ്ഞ വർഷം ഇത് 77.81 ശതമാനമായിരുന്നു. പരീക്ഷയെഴുതിയ 4.25 ലക്ഷം വിദ്യാർഥികളിൽ 2,90,398

പേരാണ് ഉപരിപഠനത്തിന് അർഹത നേടിയത്.

എല്ലാ വിഷയങ്ങൾക്കും എ പ്ലസ് നേടിയ വിദ്യാർഥികളുടെ എണ്ണം 30,561 ആണ്. പെൺകുട്ടികൾ മികച്ച വിജയം കൈവരിച്ചു. പരീക്ഷയെഴുതിയ 1,92,751 പെൺകുട്ടികളിൽ 1,67,475 പേർ വിജയിച്ചതോടെ വിജയശതമാനം 86.89 ആയി ഉയർന്നു.

അതേസമയം, ഉപരിപഠനത്തിന് യോഗ്യത നേടാൻ കഴിയാതിരുന്ന വിദ്യാർഥികൾക്കായുള്ള സേ (SAY) പരീക്ഷ ജൂൺ 29 മുതൽ ജൂലൈ 3 വരെ നടക്കുമെന്ന് അധികൃതർ അറിയിച്ചു. വിദ്യാർഥികൾക്ക് ബന്ധപ്പെട്ട സ്കൂളുകൾ മുഖേന അപേക്ഷ സമർപ്പിക്കാമെന്നും വിദ്യാഭ്യാസ വകുപ്പ് വ്യക്തമാക്കി.

ഫലം അറിയാൻ സന്ദർശിക്കാവുന്ന വെബ്സൈറ്റുകൾ:

കേരള പരീക്ഷാഫലം പോർട്ടൽ https://results.kite.kerala.gov.in

പി.ആർ.ഡി ലൈവ് റിസൾട്ട് https://prd.kerala.gov.in

വി.എച്ച്.എസ്.ഇ റിസൾട്ട് പോർട്ടൽ

https://results.vhse.kerala.gov.in