ശാസ്താംകോട്ട: ശൂരനാട് ഓസ്താമുക്കിലുണ്ടായ വാഹനാപകടത്തിൽ പരിക്കേറ്റ ടൂവീലർ യാത്രികൻ മരിച്ചു. ശാസ്താംകോട്ട ആയിക്കുന്നം കൊളപ്പള്ളിൽ വീട്ടിൽ രാജീവ് (48) ആണ് മരിച്ചത്. സ്വകാര്യ ധനകാര്യ സ്ഥാപനത്തിലെ ജീവനക്കാരനായിരുന്നു അദ്ദേഹം.

ഇന്ന് രാത്രി ഒൻപത് മണിയോടെയായിരുന്നു അപകടം. ഓസ്താമുക്ക് ജംഗ്ഷൻ സമീപം രാജീവ് സഞ്ചരിച്ചിരുന്ന ടൂവീലർ അപകടത്തിൽപ്പെടുകയായിരുന്നു. അപകടത്തെ തുടർന്ന് ഗുരുതരമായി പരിക്കേറ്റ രാജീവിനെ ഉടൻ തന്നെ ശാസ്താംകോട്ടയിലെ ആസ്റ്റർ മെഡിസിറ്റിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ആശുപത്രിയിൽ എത്തുന്നതിന് മുൻപേ തന്നെ മരണം സംഭവിച്ചിരുന്നുവെന്നാണ് വിവരം.