കൊച്ചി: ചേരാനല്ലൂരിലെ യാത്രാസൗകര്യങ്ങൾക്ക് പുതിയ പ്രതീക്ഷയായി കെ.എസ്.ആർ.ടി.സി പ്രിയദർശിനി ബസ് സർവീസ് ആരംഭിച്ചു. ചേരാനല്ലൂരിൽ നിന്നുള്ള പ്രിയദർശിനി ബസിന്റെ ആദ്യ യാത്രയ്ക്ക് തുടക്കമായി.
ചേരാനല്ലൂരിലെ പൊതുഗതാഗത സൗകര്യങ്ങൾ മെച്ചപ്പെടുത്തുന്നതിനായി എറണാകുളം എം.എൽ.എ ടി.ജെ. വിനോദ് നടത്തിയ നിരന്തര ഇടപെടലുകളുടെയും പരിശ്രമങ്ങളുടെയും ഫലമായാണ് പുതിയ കെ.എസ്.ആർ.ടി.സി സർവീസ് യാഥാർഥ്യമായതെന്ന് അദ്ദേഹം അറിയിച്ചു.
പ്രിയദർശിനി ബസിന്റെ ആദ്യ യാത്രയുടെ ഫ്ലാഗ് ഓഫ് ഹൈബി ഈഡൻ എം.പി നിർവഹിച്ചു. പുതിയ സർവീസ് ചേരാനല്ലൂരിലെ ജനങ്ങളുടെ യാത്രാക്ലേശങ്ങൾക്ക് ആശ്വാസമാകുമെന്നാണ് പ്രതീക്ഷ.
ചേരാനല്ലൂരിലെ യാത്രാസൗകര്യങ്ങൾ കൂടുതൽ മെച്ചപ്പെടുത്തുന്നതിനും ജനങ്ങൾക്ക് മികച്ച പൊതുഗതാഗത സംവിധാനങ്ങൾ ഉറപ്പാക്കുന്നതിനുമുള്ള ഇടപെടലുകൾ തുടരുമെന്നും ടി.ജെ. വിനോദ് പറഞ്ഞു.
