ജപ്പാൻ: ഏഷ്യൻ ഗെയിംസ് 2026 വനിതാ ക്രിക്കറ്റ് ഫൈനലിൽ ശ്രീലങ്കയെ തകർത്ത് ഇന്ത്യ ആദ്യമായി സ്വർണം നേടി. ജപ്പാനിലെ ഐച്ചി പ്രിഫെക്ചറൽ കൊറോഗി സ്പോർട്സ് പാർക്കിൽ നടന്ന ഫൈനലിൽ ശ്രീലങ്കയെ 15.4 ഓവറിൽ വെറും 69 റൺസിന് പുറത്താക്കി ഇന്ത്യ 147 റൺസിന്റെ വൻ വിജയം സ്വന്തമാക്കി.

ആദ്യം ബാറ്റ് ചെയ്ത ഇന്ത്യ 20 ഓവറിൽ 3 വിക്കറ്റ് നഷ്ടത്തിൽ 216 റൺസ് എന്ന കരുത്തുറ്റ സ്കോർ കുറിച്ചു. സ്മൃതി മന്ധാനയാണ് 79 റൺസുമായി ടോപ് സ്കോറർ. റിച്ച ഘോഷ് 49 റൺസുമായി പുറത്താകാതെ നിന്നു. ഈ ഇന്നിങ്സിനിടെയാണ് അന്താരാഷ്ട്ര ക്രിക്കറ്റിൽ 11,000 റൺസ് പൂർത്തിയാക്കുന്ന ആദ്യ വനിതാ താരമെന്ന നേട്ടം സ്മൃതി മന്ധാന സ്വന്തമാക്കിയത്.