2026-ലെ ജി7 ഉച്ചകോടിക്കിടെ ഫ്രാൻസിലെ ഇവിയാനിൽ നടന്ന ഉഭയകക്ഷി കൂടിക്കാഴ്ചയിൽ ഇന്ത്യൻ പ്രധാനമന്ത്രി നരേന്ദ്ര മോദിയെ കുറിച്ച് അമേരിക്കൻ പ്രസിഡന്റ് റൊണാൾഡ് ട്രംപ് നടത്തിയ പരാമർശങ്ങൾ ശ്രദ്ധനേടി. ഇരുരാജ്യ നേതാക്കളും തമ്മിലുള്ള ചർച്ചകൾക്ക് പിന്നാലെ മാധ്യമങ്ങളോട് സംസാരിക്കവെയാണ് ട്രംപ് തന്റെ പ്രതികരണം നടത്തിയത്.
മോദിയെ പ്രശംസിച്ചുകൊണ്ട് ട്രംപ്, “:“അദ്ദേഹം ഏറ്റവും സുന്ദരനായ മനുഷ്യനാണ്. അദ്ദേഹം വളരെ സുന്ദരനായി കാണപ്പെടുന്നു. അദ്ദേഹം ഒരു മാലാഖയെപ്പോലെയാണ്!”
അദ്ദേഹത്തിന്റെ വ്യക്തിത്വത്തിന്റെ മറ്റൊരു വശവും എടുത്തുകാട്ടിയ ട്രംപ്, “പക്ഷേ യഥാർത്ഥത്തിൽ അദ്ദേഹം കടുത്ത നിലപാടുകളുള്ള വ്യക്തിയാണ്. അതീവ ശക്തനായ ചർച്ചക്കാരനാണ്. ഏറ്റവും കരുത്തരായ നേതാക്കളിൽ ഒരാളാണ്. എന്നാൽ അദ്ദേഹത്തിന്റെ സൗമ്യമായ രൂപം ആളുകളെ അത്ഭുതപ്പെടുത്തും,” എന്നും കൂട്ടിച്ചേർത്തു.
പ്രധാനമന്ത്രി മോദിയുടെ ശാന്തവും ആത്മവിശ്വാസപരവുമായ പൊതുപ്രതിച്ഛായയും, അന്താരാഷ്ട്ര ചർച്ചകളിൽ അദ്ദേഹം സ്വീകരിക്കുന്ന ഉറച്ച നിലപാടുകളും തമ്മിലുള്ള വ്യത്യാസമാണ് ട്രംപ് തന്റെ പ്രത്യേക ശൈലിയിൽ വിവരിച്ചതെന്നാണ് വിലയിരുത്തൽ. സമൂഹമാധ്യമങ്ങളിൽ വ്യാപകമായി പ്രചരിക്കുന്ന വീഡിയോ ദൃശ്യങ്ങളിൽ ട്രംപിന്റെ പരാമർശങ്ങൾ മോദി പുഞ്ചിരിയോടെയും ശാന്തതയോടെയും സ്വീകരിക്കുന്നതും കാണാം.
ജി7 ഉച്ചകോടിയുടെ ഭാഗമായി നടന്ന കൂടിക്കാഴ്ചയിൽ വ്യാപാരം, ആഗോള സുരക്ഷ, ഊർജ സഹകരണം, സമുദ്ര ഗതാഗത സുരക്ഷ തുടങ്ങിയ വിഷയങ്ങളാണ് പ്രധാനമായും ചർച്ചയായത്. അതിനിടെയാണ് ട്രംപിന്റെ ഈ പരാമർശങ്ങൾ ശ്രദ്ധാകേന്ദ്രമായത്.
ഇരുരാജ്യ നേതാക്കളും തമ്മിലുള്ള വ്യക്തിപരമായ സൗഹൃദവും പരസ്പര ബഹുമാനവും വീണ്ടും പ്രതിഫലിപ്പിക്കുന്നതാണ് ട്രംപിന്റെ പ്രസ്താവനയെന്നാണ് നയതന്ത്ര നിരീക്ഷകർ വിലയിരുത്തുന്നത്. സോഷ്യൽ മീഡിയയിലും അന്താരാഷ്ട്ര മാധ്യമങ്ങളിലും ട്രംപിന്റെ ഈ പരാമർശങ്ങൾ വ്യാപക ചർച്ചയ്ക്കും വഴിവെച്ചിട്ടുണ്ട്.
