ഇടുക്കി: വണ്ടിപ്പെരിയാറിൽ അടഞ്ഞുകിടക്കുന്ന പോബ്സ് തേയില എസ്റ്റേറ്റ് വീണ്ടും തുറന്ന് പ്രവർത്തിപ്പിക്കുന്നതിനുള്ള നടപടികൾ വേഗത്തിലാക്കാൻ തീരുമാനം. തൊഴിൽ വകുപ്പ് മന്ത്രി ബിന്ദു കൃഷ്ണയുടെ നേതൃത്വത്തിൽ തൊഴിലാളികളുടെയും മാനേജ്മെന്റിന്റെയും പ്രതിനിധികളുമായി ചർച്ച നടത്തി.
എസ്റ്റേറ്റ് അടഞ്ഞുകിടക്കുന്നതിനെ തുടർന്ന് തൊഴിലാളികൾ നേരിടുന്ന പ്രശ്നങ്ങളും എസ്റ്റേറ്റ് പുനഃപ്രവർത്തിപ്പിക്കുന്നതിനുള്ള സാധ്യതകളും യോഗത്തിൽ ചർച്ച ചെയ്തു. എസ്റ്റേറ്റ് വീണ്ടും തുറന്ന് പ്രവർത്തനം ആരംഭിക്കുന്നതിനാവശ്യമായ നടപടികൾ വേഗത്തിൽ സ്വീകരിക്കാനും തീരുമാനമായി.
പീരുമേട് എംഎൽഎ അഡ്വ. സിറിയക് തോമസ് ഉൾപ്പെടെയുള്ളവർ യോഗത്തിൽ പങ്കെടുത്തു. തൊഴിലാളികളുടെ ഉപജീവനമാർഗം സംരക്ഷിക്കുന്നതിനൊപ്പം എസ്റ്റേറ്റിന്റെ പ്രവർത്തനം പുനഃസ്ഥാപിക്കുന്നതിനുള്ള തുടർനടപടികൾ ഏകോപിപ്പിക്കുമെന്നും മന്ത്രി വ്യക്തമാക്കി.
