കൊച്ചി: എറണാകുളം കണ്ടെയ്നർ ടെർമിനൽ റോഡിൽ വാഹനാപകടത്തിൽപ്പെട്ട ബൈക്ക് യാത്രികനെ മുഖ്യമന്ത്രി വി.ഡി. സതീശന്റെ സമയോചിതമായ ഇടപെടലിലൂടെ ആശുപത്രിയിലെത്തിച്ചു. ബൈക്കിൽ സഞ്ചരിക്കുകയായിരുന്ന മുളവുകാട് സ്വദേശി ആൽഫി പെരേരയ്ക്കാണ് അപകടത്തിൽ സാരമായി പരിക്കേറ്റത്.
ഈ സമയം മുഖ്യമന്ത്രി ഔദ്യോഗിക വാഹനത്തിൽ ഇതുവഴി കടന്നുപോകുകയായിരുന്നു. റോഡിൽ പരിക്കേറ്റ് കിടക്കുന്ന യുവാവിനെ കണ്ടയുടൻ വാഹനം നിർത്താൻ അദ്ദേഹം നിർദേശിച്ചു. സ്ഥലത്ത് ഒട്ടും സമയം കളയാതെ, ആൽഫിയെ തന്റെ സുരക്ഷയ്ക്കായി ഒപ്പമുണ്ടായിരുന്ന പൈലറ്റ് വാഹനത്തിലേക്ക് (എസ്കോർട്ട് വാഹനം) മാറ്റാൻ സുരക്ഷാ ഉദ്യോഗസ്ഥർക്ക് അദ്ദേഹം നിർദേശം നൽകി.
തുടർന്ന് പൈലറ്റ് വാഹനത്തിൽ യുവാവിനെ വേഗത്തിൽ അടുത്തുള്ള സ്വകാര്യ ആശുപത്രിയിലെത്തിക്കുകയും അടിയന്തര ചികിത്സ ലഭ്യമാക്കുകയും ചെയ്തു. അപകടത്തിൽ ആൽഫിക്ക് സാരമായ പരിക്കുകളുണ്ട്.
മുഖ്യമന്ത്രിയുടെ സമയബന്ധിതമായ ഈ ഇടപെടൽ സോഷ്യൽ മീഡിയയിലും പൊതുജനങ്ങൾക്കിടയിലും വ്യാപകമായി പ്രശംസിക്കപ്പെടുന്നുണ്ട്.
