കാസർകോട് മെഡിക്കൽ കോളേജിന്റെ പൂർത്തീകരണവുമായി ബന്ധപ്പെട്ട് ചേർന്ന ഉന്നതതല യോഗത്തിൽ കാസർകോട് എംഎൽഎ കല്ലട്ര മാഹിൻ ഹാജി പങ്കെടുത്തു. ആരോഗ്യ വകുപ്പ് മന്ത്രി കെ. മുരളീധരൻ, ജില്ലയുടെ ചുമതലയുള്ള തദ്ദേശസ്വയംഭരണ വകുപ്പ് മന്ത്രി കെ.എം. ഷാജി എന്നിവരുടെ സാന്നിധ്യത്തിലാണ് യോഗം വിളിച്ചുചേർത്തത്.
മെഡിക്കൽ കോളേജിന്റെ ശേഷിക്കുന്ന പ്രവർത്തനങ്ങൾ സമയബന്ധിതമായി പൂർത്തീകരിച്ച് പൂർണതോതിൽ പ്രവർത്തനസജ്ജമാക്കുന്നതു സംബന്ധിച്ച വിവിധ വിഷയങ്ങൾ യോഗത്തിൽ വിശദമായി ചർച്ച ചെയ്തു.
ഉദുമ എംഎൽഎ കെ. നീലകണ്ഠൻ, മഞ്ചേശ്വരം എംഎൽഎ എ.കെ.എം. അഷ്റഫ്, ജില്ലാ കലക്ടർ അർജുൻ പാണ്ഡ്യൻ, വിവിധ വകുപ്പ് മേധാവികൾ എന്നിവർ യോഗത്തിൽ പങ്കെടുത്തു.
കാസർകോടിന്റെ ആരോഗ്യരംഗത്തെ വലിയ പ്രതീക്ഷയായ മെഡിക്കൽ കോളേജ് യാഥാർഥ്യമാക്കുന്നതിന് ആവശ്യമായ ഇടപെടലുകൾ ഏകോപിപ്പിച്ച് മുന്നോട്ടുപോകുമെന്ന് യോഗം വ്യക്തമാക്കി.
